الماتى وبلىسىندا 14 جاستاعى ءجاسوسپىرىم قازا تاپتى، دەپ حابارلايدى «ادىرنا» ءتىلشىسى Almaty.tv ارناسىنا سىلتەمە جاساپ.
مارقۇمنىڭ تۋىستارىنىڭ ايتۋىنشا، ول جوعارعى سىنىپ وقۋشىلارىنىڭ قاتىگەز سوققىسىنىڭ سالدارىنان كوز جۇمعان.
قايعىلى جاعداي 13 قىركۇيەكتە بولعان. ءاليحان سەرۋەندەۋگە شىعىپ، ءبىر ساعاتتان كەيىن ەس-ءتۇسسىز كۇيدە تابىلعان. اكەسى بارعاندا، بالادا جاراقاتتار بولعان، ال كۋاگەرلەر ونىڭ قۇلاپ قالعانىن ايتقان.
«مەن بارعاندا ۇلىمنىڭ جانىندا شامامەن ون شاقتى ادام تۇر ەكەن. «نە بولدى؟» دەپ سۇراعانىمدا ولار «بالاڭىز كەنەتتەن قۇلاپ قالدى» دەپ جاۋاپ بەردى»، - دەيدى مارقۇمنىڭ اكەسى دانيار نۇرعاليەۆ.
جاقىندارى ءاليحاننىڭ سوققىعا جىعىلعانىنا سەنىمدى. اكەسىنىڭ ايتۋىنشا، دۇكەن كامەراسىنان تۇسىرىلگەن ۆيدەودا ءبىر توپ جوعارى سىنىپ وقۋشىسى بالانى توقتاتىپ، قاراڭعى كوشەگە قاراي ەرتىپ كەتكەنى انىق كورىنەدى.
ء«بىز بالامىزدى جانساقتاۋ بولىمىنە اكەلىپ، دارىگەرلەردەن سەبەبىن سۇرادىق. ولار بالانىڭ سوققى العانىن ايتتى. مەنىڭ ويىمشا، ونى قاساقانا سول قاراڭعى كوشەگە الىپ بارعان، ول كامەرادان دا كورىنەدى»،–دەيدى دانيار نۇرعاليەۆ.
تالعار اۋداندىق پوليتسياسى قىلمىستىق ءىس قوزعاپ، ءبىر ءجاسوسپىرىمدى ۇستاعاە. مارقۇمنىڭ تۋىستارى ءىستى قايتا سارالاۋدى جانە بارلىق قاتىسى بار ادامدى جاۋاپقا تارتۋدى تالاپ ەتىپ وتىر.
«كامەلەتكە تولماعان بالاعا دەنە جاراقاتىن سالۋ، ونىڭ ولىمىنە اكەلۋ دەرەگى بويىنشا قىلمىستىق ءىس قوزعالدى. كۇدىكتى كامەلەتكە تولماعان ءجاسوسپىرىم ۇستالىپ، ۋاقىتشا ۇستاۋ يزولياتورىنا قامالدى. سوت شەشىمىمەن قاماۋدا ۇستاۋ شاراسى سانكتسيالاندى»،- دەدى الماتى وبلىسى پد رەسمي وكىلى ەرنار ءسايدىلدين.
