قوستانايدا ءوز ەركىمەن وقۋدان شىققان بۇرىنعى كۋرسانت وقۋ ورنىنا 2 728 525 تەڭگە قايتارماۋ ءۇشىن سوتقا ارىزداندى، دەپ حابارلايدى "ادىرنا" ۇلتتىق پورتالى.
قوستاناي قالالىق سوتىندا قارالعان ءىس ماتەريالدارىنا سايكەس، كۋرسانت وقۋ ورنىن ءوز قالاۋىمەن تاستاپ، ىشكى ىستەر ورگانىنان بوساتىلعان. الايدا، وعان مەملەكەت تولەگەن وقۋ شىعىندارىن قايتارۋ تۋرالى حابارلاما جىبەرىلگەن.
سوت بارىسىندا تالاپكەر كەلىسىمشارت جاساسۋ كەزىندە وقۋ ورنى جالپى وقۋ اقىسى تۋرالى اقپاراتتى جاسىرعانىن العا تارتتى. الايدا سوت كەلىسىمشارتقا سايكەس، كۋرسانتتىڭ وقۋدى بىتىرگەن سوڭ كەمىندە 5 جىل ىشكى ىستەر ورگانىندا قىزمەت ەتۋگە مىندەتتى ەكەنىن انىقتادى. ەگەر وقۋدان ءوز ەركىمەن شىقسا، مەملەكەت جۇمساعان شىعىندى وتەۋى ءتيىس.
كۋرسانتقا وقۋ بارىسىندا اي سايىن 367 066 تەڭگە كولەمىندە قارجى بولىنگەن. وعان وقۋ اقىسى، ستيپەنديا، تاماقتانۋ، كيىم-كەشەك جانە جول شىعىندارى كىرگەن. تالاپكەر بارلىق شارتتارعا جەكە ءوزى قول قويعان.
ناتيجەسىندە سوت بۇرىنعى كۋرسانتتىڭ تالابىن قاناعاتتاندىرۋدان باس تارتتى. قازىرگى تاڭدا سوت شەشىمى زاڭدى كۇشىنە ەنگەن جوق.
