پاۆلوداردا اۋدان اكىمىنىڭ بالاسى ۇرعان قىزدىڭ اناسىنا ايىپپۇل سالىندى، دەپ حابارلايدى "ادىرنا" ۇلتتىق پورتالى Orda.kz-كە سىلتەپ.
اۋدانارالىق سوت بالا تاربيەسىندە "اتا-انالىق مىندەتىن ورىنداماعانى ءۇشىن" دەپ سوققىعا جىعىلعان قىزدىڭ اناسىنا 51 688 تەڭگە ايىپپۇل سالعان.
پاۆلوداردا اكىمنىڭ بالاسى وقۋشى قىزدى سوققىعا جىققانى تۋرالى جازعان بولاتىنبىز. ءبىلىم ۆيتسە-ءمينيسترى ەدىل وسپان بۇل دەرەكتى راستاعان.
جەلىدە اۋدان اكىمىنىڭ ۇلى قىزدى 2024 جىلدىڭ قاڭتار ايىنىڭ ءبىرىنشى جارتىسىندا ۇرىپ-سوققانى تۋرالى اقپارات تاراعان بولاتىن. جانجال سالدارىنان مەكتەپ وقۋشىسى - قىز بالانىڭ مۇرنى سىنىپ، اۋرۋحاناعا تۇسكەن.
ال ناۋرىزدا پوليتسيا وقيعانىڭ ءمان-جايىن انىقتاۋعا كىرىستى.
«№ 8 مەكتەپ-ليتسەيىنىڭ وقۋشىسى 6-سىنىپ وقۋشىسىن رەنجىتىپ، قوعامدىق ءتارتىپتى بۇزىپ، ونى جانجالعا يتەرمەلەگەن»، - دەپ بەلگىلەدى قۇزىرلى ورگان.
ءىس ماتەريالدارىندا قىز بەن ونىڭ دوسى بالانىڭ سىرتقى ءتۇرى مەن كيىمىن كەلەكە ەتكەنى كورسەتىلگەن. سوققىعا جىعىلعان مەكتەپ وقۋشىسىنىڭ بالانىڭ ساباققا بارۋىنا كەدەرگى كەلتىرىپ، سۋسىنىنىڭ بوتەلكەسىن الىپ قويعانى ايتىلعان.
ەسكە سالا كەتەيىك، دەپۋتات گۇلجاينا ءدارىموۆا اتالمىش كيكىلجىڭگە قاتىستى كىشكەنتاي قىزدى «بالانى سونداي ەموتسياعا جەتكىزگەن ءوزى» دەپ ايىپتاعان بولاتىن.
