استانا قالاسىنىڭ پروكۋراتۋراسى مۇراعاتتىق قۇجاتتاردى زەردەلەۋ ناتيجەسىندە بىرقاتار ازاماتتاردىڭ ساياسي قۋعىن-سۇرگىن قۇرباندارى ساناتىنا قاتىسى جوق ەكەنىن انىقتادى، دەپ حابارلايدى "ادىرنا" ۇلتتىق پورتالى.
بيىل بەس ازامات سوت ارقىلى وزدەرىن ساياسي قۋعىن-سۇرگىن قۇرباندارى رەتىندە مويىنداتۋعا تىرىسقان.
الايدا قالالىق سوت پەن پروكۋراتۋرا بىرلەسىپ جۇرگىزگەن تەكسەرىس بارىسىندا مۇراعاتتىق ماتەريالدار زەرتتەلىپ، اتالعان تۇلعالاردىڭ بۇل ساناتقا جاتپايتىنى دالەلدەندى.
پروكۋراتۋرانىڭ مالىمەتىنشە، تاۋەلدىلىك تولەمدەرىنىڭ نەگىزسىز بەرىلۋىن بولدىرماۋ ماقساتىندا ازاماتتاردى سوت تارتىبىمەن ساياسي قۋعىن-سۇرگىن قۇربانى دەپ تانۋ تاجىريبەسى توقتاتىلعان.
ناتيجەسىندە سوت ەلوردا پروكۋراتۋراسىنىڭ ءوتىنىشىن قاناعاتتاندىرىپ، ازاماتتاردى ساياسي قۋعىن-سۇرگىن قۇرباندارى دەپ تانۋدان باس تارتتى.
