Qostanaida öz erkımen oqudan şyqqan būrynǧy kursant oqu ornyna 2 728 525 teŋge qaitarmau üşın sotqa aryzdandy, dep habarlaidy "Adyrna" ūlttyq portaly.
Qostanai qalalyq sotynda qaralǧan ıs materialdaryna säikes, kursant oqu ornyn öz qalauymen tastap, ışkı ıster organynan bosatylǧan. Alaida, oǧan memleket tölegen oqu şyǧyndaryn qaitaru turaly habarlama jıberılgen.
Sot barysynda talapker kelısımşart jasasu kezınde oqu orny jalpy oqu aqysy turaly aqparatty jasyrǧanyn alǧa tartty. Alaida sot kelısımşartqa säikes, kursanttyŋ oqudy bıtırgen soŋ kemınde 5 jyl ışkı ıster organynda qyzmet etuge mındettı ekenın anyqtady. Eger oqudan öz erkımen şyqsa, memleket jūmsaǧan şyǧyndy öteuı tiıs.
Kursantqa oqu barysynda ai saiyn 367 066 teŋge kölemınde qarjy bölıngen. Oǧan oqu aqysy, stipendiia, tamaqtanu, kiım-keşek jäne jol şyǧyndary kırgen. Talapker barlyq şarttarǧa jeke özı qol qoiǧan.
Nätijesınde sot būrynǧy kursanttyŋ talabyn qanaǧattandyrudan bas tartty. Qazırgı taŋda sot şeşımı zaŋdy küşıne engen joq.
Ūqsas jaŋalyqtar
