ارمان قىرىقباەۆ پرەزيدەنتتىڭ ىشكى ساياسات ماسەلەلەرى جانە كوممۋنيكاتسيالار جونىندەگى كومەكشىسى بولىپ تاعايىندالدى. بۇل تۋرالى بۇگىن، 24 اقپاندا اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«مەملەكەت باسشىسىنىڭ جارلىعىمەن ارمان ورازبايۇلى قىرىقباەۆ قازاقستان رەسپۋبليكاسى پرەزيدەنتىنىڭ ىشكى ساياسات ماسەلەلەرى جانە كوممۋنيكاتسيالار جونىندەگى كومەكشىسى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى»،—دەلىنگەن حابارلامادا.
بۇعان دەيىن رۋسلان جەلدىباي قازاقستان رەسپۋبليكاسى پرەزيدەنتىنىڭ ىشكى ساياسات ماسەلەلەرى جانە كوممۋنيكاتسيالار جونىندەگى كومەكشىسى لاۋازىمىنان بوساتىلعان ەدى.
ارمان قىرىقباەۆ 1976 جىلى 20 قازاندا تسەلينوگراد قالاسىندا دۇنيەگە كەلگەن. قازاق مەملەكەتتىك باسقارۋ اكادەمياسىنىڭ، سونداي-اق قازاقستان رەسپۋبليكاسى سىرتقى ىستەر مينيسترلىگىنىڭ ديپلوماتيالىق اكادەمياسىنىڭ تۇلەگى بولىپ تابىلادى. ماماندىعى بويىنشا حالىقارالىق ەكونوميست. مەملەكەتتىك قىزمەتتە، مادەنيەت جانە جاستار ساياساتى سالاسىندا 28 جىلدان استام جالپى ەڭبەك ءوتىلى بار. ول ەكى رەت الماتى اكىمىنىڭ ورىنباسارى قىزمەتىن اتقاردى.
«ادىرنا» ۇلتتىق پورتالى ارمان ورازبايۇلىن جاڭا قىزمەتىمەن قۇتتىقتاپ، تولاعاي تابىس تىلەيدى.
