پرەزيدەنتتىڭ ەكس-كەڭەسشىسى، مەملەكەت باسشىسىنىڭ حالىقارالىق ەكولوگيالىق ىنتىماقتاستىق جونىندەگى بۇرىنعى ارنايى وكىلى ءزۇلفيا سۇلەيمەنوۆا جاڭا قىزمەتكە تاعايىندالدى، دەپ حابارلايدى "ادىرنا" ۇلتتىق پورتالى.
ۆەدومستۆونىڭ ءباسپاسوز قىزمەتى مالىمەتىنشە، ءزۇلفيا سۇلەيمەنوۆا قازاقستان رەسپۋبليكاسىنىڭ سىرتقى ىستەر مينيسترلىگىندە ەرەكشە تاپسىرمالار جونىندەگى ەلشى قىزمەتىنە تاعايىندالدى.
ءزۇلفيا سۇلەيمەنوۆا 1990 جىلى اقتوبە قالاسىندا دۇنيەگە كەلگەن. 2012 جىلى ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىن «حالىقارالىق قاتىناستار» ماماندىعى بويىنشا ءتامامداپ، 2014 جىلى حالىقارالىق قاتىناستار ماگيسترى دارەجەسىن العان. 2016 جىلدان باستاپ جاپونياداعى ۇلتتىق ساياسي زەرتتەۋلەر ينستيتۋتىندا (GRIPS) PhD دوكتورانتۋرا باعدارلاماسى بويىنشا ءبىلىم العان.
ەڭبەك جولىن 2013 جىلى باستاعان.
2014–2015 جىلدارى قازاقستان پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ سىرتقى ساياسات جانە حالىقارالىق قاۋىپسىزدىك بولىمىندە عىلىمي قىزمەتكەر بولىپ جۇمىس ىستەگەن.
2015–2017 جىلدارى بۇۇ-نىڭ ازيا جانە تىنىق مۇحيتى ءۇشىن ەكونوميكالىق جانە الەۋمەتتىك كوميسسياسىندا (ەسكاتو) قورشاعان ورتا جانە دامۋ، ەنەرگەتيكا، ماكروەكونوميكالىق ساياسات جانە دامۋ قارجىلاندىرۋ بولىمدەرىندە قىزمەت اتقارعان.
2019 جىلى بۇۇ دامۋ باعدارلاماسىنىڭ تۇرىكمەنستان مەن قازاقستانداعى جوبالارىندا جانە ەسكاتو ۇيىمىندا جۇمىس ىستەگەن.
2020–2021 جىلدارى قازاقستاننىڭ ەكولوگيا، گەولوگيا جانە تابيعي رەسۋرستار مينيسترلىگىندە كليماتتىق ساياسات جانە «جاسىل» تەحنولوگيالار دەپارتامەنتى ديرەكتورىنىڭ ورىنباسارى قىزمەتىن اتقاردى.
2021–2022 جىلدارى ءماجىلىستىڭ VII شاقىرىلىم دەپۋتاتى، حالىقارالىق ىستەر، قورعانىس جانە قاۋىپسىزدىك كوميتەتىنىڭ مۇشەسى بولدى.
2022 جىلعى ناۋرىزدان 2023 جىلعى قاڭتارعا دەيىن ەكولوگيا، گەولوگيا جانە تابيعي رەسۋرستار ۆيتسە-ءمينيسترى قىزمەتىن اتقاردى.
2023 جىلعى 4 قاڭتاردا ەكولوگيا جانە تابيعي رەسۋرستار ءمينيسترى بولىپ تاعايىندالعان.
2023 جىلعى 21 قىركۇيەكتە پرەزيدەنت جارلىعىمەن مەملەكەت باسشىسىنىڭ كەڭەسشىسى، حالىقارالىق ەكولوگيالىق ىنتىماقتاستىق جونىندەگى ارنايى وكىلى لاۋازىمىنا تاعايىندالعان ەدى.
ال 2025 جىلعى 25 قىركۇيەكتە ءزۇلفيا سۇلەيمەنوۆا بۇل قىزمەتىنەن بوساتىلدى.
