ابزال نۇكەنوۆ الماتى قالاسى اكىمىنىڭ ورىنباسارى بولىپ تاعايىندالدى، دەپ حابارلايدى «ادىرنا» ءتىلشىسى.
«الماتى قالاسىنىڭ اكىمى دارحان ساتىبالدىنىڭ وكىمىمەن جانە پرەزيدەنت اكىمشىلىگىنىڭ ء(پا) كەلىسىمىمەن ابزال نۇكەنوۆ الماتى قالاسى اكىمىنىڭ ورىنباسارى قىزمەتىنە تاعايىندالدى»،—دەلىنگەن حابارلامادا.
ەندى ول ىشكى ساياسات، مادەنيەت، سپورت، ءبىلىم، جاستار ساياساتى جانە ءدىن ىستەرى سالالارىن قاداعالايدى.
ابزال نۇكەنوۆ 1978 جىلى 21 شىلدەدە جەتىسۋ وبلىسىندا دۇنيەگە كەلگەن. 2000 جىلى ءال-فارابي اتىنداعى قازاق ۇلتتىق ۋنيۆەرسيتەتىن «ساياساتتانۋ» ماماندىعى بويىنشا تامامداعان. ساياسات عىلىمدارىنىڭ كانديداتى. ەڭبەك جولىن 2000 جىلى "وتان" رەسپۋبليكالىق ساياسي پارتياسىنىڭ ورتالىق اپپاراتىندا يدەولوگيالىق جۇمىس ءبولىمىنىڭ كونسۋلتانتى بولىپ باستاعان. كەيىن وسى بولىمدە جاپپاي ساياسي جۇمىستار سەكتورىنىڭ مەڭگەرۋشىسى بولىپ قىزمەت اتقارعان.
2005-2006 جىلدارى – الماتى قالاسى ىشكى ساياسات دەپارتامەنتىنىڭ ۇكىمەتتىك ەمەس ۇيىمدارمەن جانە ءدىني بىرلەستىكتەرمەن جۇمىس ءبولىمىنىڭ باسشىسى;
2006-2009 جىلدارى – الماتى قالاسى اۋەزوۆ اۋدانى اكىمىنىڭ ورىنباسارى;
2009-2011 جىلدارى – ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ قازىرگى زامانعى زەرتتەۋلەر ينستيتۋتىنىڭ ديرەكتورى;
2011 جىلدىڭ ناۋرىز ايىنان جەلتوقسانعا دەيىن – ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ زاڭ جوبالارىنا قۇقىقتىق ساراپتاما جانە قازىرگى زامانعى زەرتتەۋلەر ينستيتۋتى ديرەكتورىنىڭ ورىنباسارى;
2011-2016 جىلدارى – قازاقستان رەسپۋبليكاسى قاۋىپسىزدىك كەڭەسىنىڭ احۋالدىق ورتالىعىندا سەكتور مەڭگەرۋشىسى، ورتالىق مەڭگەرۋشىسىنىڭ ورىنباسارى، مەڭگەرۋشى;
2016-2018 جىلدارى – قازاقستان رەسپۋبليكاسىنىڭ ءدىن ىستەرى جانە ازاماتتىق قوعام ۆيتسە-ءمينيسترى;
2018-2019 جىلدارى – "استانا" حالىقارالىق عىلىمي كەشەنى" جەكەمەنشىك مەكەمەسىندە ديرەكتورلار كەڭەسى توراعاسىنىڭ ورىنباسارى;
2019-2022 جىلدارى – قاراعاندى وبلىسى اكىمىنىڭ ورىنباسارى;
2022-2023 جىلدارى – قازاقستان رەسپۋبليكاسىنىڭ پرەزيدەنتى اكىمشىلىگى ىشكى ساياسات ءبولىمى مەڭگەرۋشىسىنىڭ ورىنباسارى;
2023-2025 جىلدارى – قازاقستان رەسپۋبليكاسىنىڭ پرەزيدەنتى اكىمشىلىگىندە مەملەكەتتىك ينسپەكتور بولىپ قىزمەت اتقارعان.
2025 جىلدىڭ 11 ناۋرىزىندا مەملەكەت باسشىسىنىڭ وكىمىمەن قازاقستان رەسپۋبليكاسىنىڭ پرەزيدەنتى اكىمشىلىگى ىشكى ساياسات ءبولىمىنىڭ مەڭگەرۋشىسى لاۋازىمىنا تاعايىندالعان. «ەرەن ەڭبەگى ءۇشىن» مەدالىمەن جانە باسقا دا مەرەيتويلىق مەدالدارمەن ماراپاتتالعان.
