تانىمال قازاقستاندىق ءانشى الماس كىشكەنباەۆ بوستاندىققا شىققاننان كەيىن العاش رەت ءوزىنىڭ جاعدايىنا قاتىستى پىكىر ءبىلدىردى، دەپ حابارلايدى "ادىرنا" ۇلتتىق پورتالى.
ءوزىنىڭ Instagram پاراقشاسىندا ءانشى ءوزىن قولداعان بارشا جانعا العىس ايتىپ، كەيبىر ادامداردىڭ بۇل جاعدايدى ء"وز پايداسىنا پايدالانۋعا تىرىسقانىن" اتاپ ءوتتى.
"وسىنداي قيىن جاعدايدا ماعان قولداۋ بىلدىرگەن جانداردىڭ بارلىعىنا العىسىمدى بىلدىرەمىن. بىراق، وكىنىشكە قاراي، بۇل جاعدايدى حايپ پەن رەيتينگ ءۇشىن پايدالانعاندار دا بولدى. بارلىعى قۇدايعا شۇكىر اياقتالدى. سوتتىڭ شەشىمى شىقتى. مەن زاڭنان بيىك ەمەسپىن، وعان باعىنامىن. بىراق ماعان تاعىلعان ايىپپەن كەلىسپەيمىن جانە ەشقاشان كەلىسپەدىم. بۇل ماسەلەگە وسىمەن نۇكتە قويعىم كەلەدى. امان بولىڭىزدار!" – دەپ جازدى ءانشى.
الماس كىشكەنباەۆتىڭ سوت ىسىنە قاتىستى تولىعىراق اقپارات ءالى دە بەلگىسىز. ءانشى بۇل جاعدايعا قاتىستى قوسىمشا سۇراقتارعا جاۋاپ بەرگىسى كەلمەيتىنىن ايتتى.
