27 قاڭتاردا قاراعاندىدا جەدەل جاردەم جۇرگىزۋشىسىن ۇرىپ-سوققانى ءۇشىن ۇستالعان نۇربولات داكەباەۆ ەكى ايعا قاماۋعا الىندى، دەپ حابارلايدى “ادىرنا” ۇلتتىق پورتالى.
“28 قاڭتاردا سوت نۇربولات داكەباەۆقا قاتىستى سىرتتاي ەكى ايعا قاماۋعا الۋ تۇرىندەگى بۇلتارتپاس شاراسىن تاعايىندادى. ول ۇكىمگە قارسى شاعىم تۇسىرگەن جوق", - دەپ حابارلادى سوتتان.
ايتا كەتەيىك، جابىرلەنۋشى تورەعالي بەرىكقاليۇلىنا سوققىنىڭ سالدارىنان ميدىڭ شايقالۋى، مۇرىن سۇيەكتەرىنىڭ سىنۋى، كەۋدە جانە بەتتىڭ جۇمساق تىندەرىنىڭ كوگەرۋى دياگنوزى قويىلعان بولاتىن.
ال ايىپتالۋشى، ءجابىر كورسەتۋشى نۇربولات داكەباەۆ ىزدەستىرىلىپ، ۇستالعان بولاتىن. دەگەنمەن ۇستالعاننان كەيىن داكەباەۆتىڭ بەينەوتىنىش ارقىلى قازاقستاندىقتار مەن مەديتسينا قىزمەتكەرلەرىنەن كەشىرىم سۇرادى.
جابىرلەنۋشى تورەعالي بەرىكقاليۇلى ءوزىنىڭ جاۋاپ رەتىندە بەينەحابارلاما جولداپ، ايىپتالۋشى ازاماتتى كەشىرەتىنىن جانە ونى سوتتاۋعا نيەتى جوق ەكەنىن جەتكىزگەن ەدى.
“ادىرنا” ۇلتتىق پورتالى
