Tanymal qazaqstandyq ánshi Almas Kishkenbaev bostandyqqa shyqqannan keıin alǵash ret óziniń jaǵdaıyna qatysty pikir bildirdi, dep habarlaıdy "Adyrna" ulttyq portaly.
Óziniń Instagram paraqshasynda ánshi ózin qoldaǵan barsha janǵa alǵys aıtyp, keıbir adamdardyń bul jaǵdaıdy "óz paıdasyna paıdalanýǵa tyrysqanyn" atap ótti.
"Osyndaı qıyn jaǵdaıda maǵan qoldaý bildirgen jandardyń barlyǵyna alǵysymdy bildiremin. Biraq, ókinishke qaraı, bul jaǵdaıdy haıp pen reıtıng úshin paıdalanǵandar da boldy. Barlyǵy qudaıǵa shúkir aıaqtaldy. Sottyń sheshimi shyqty. Men zańnan bıik emespin, oǵan baǵynamyn. Biraq maǵan taǵylǵan aıyppen kelispeımin jáne eshqashan kelispedim. Bul máselege osymen núkte qoıǵym keledi. Aman bolyńyzdar!" – dep jazdy ánshi.
Almas Kishkenbaevtyń sot isine qatysty tolyǵyraq aqparat áli de belgisiz. Ánshi bul jaǵdaıǵa qatysty qosymsha suraqtarǵa jaýap bergisi kelmeıtinin aıtty.
