الماتى قالالىق توتەنشە جاعدايلار دەپارتامەنتىنىڭ باسشىسى سىبايلاس جەمقورلىق ءۇشىن سوتتالدى، دەپ حابارلايدى «ادىرنا» ۇلتتىق پورتالى سىبايلاس جەمقورلىققا قارسى قىزمەتتىڭ ءباسپاسوز قىزمەتىنە سىلتەمە جاساپ.
«8 جەلتوقساندا قوستاناي قالاسىنىڭ No2 سوتى الماتى قالالىق توتەنشە جاعدايلار دەپارتامەنتىنىڭ باستىعى ازاماتتىق قورعاۋ پودپولكوۆنيگى المات جانىسپاەۆقا قاتىستى ۇكىم شىعاردى.
ول كاسىپكەرگە جالپى قامقورلىق جاساعانى ءۇشىن جالپى سوماسى 13 ميلليون تەڭگەدەن استام اقشالاي سىياقى العانى ءۇشىن كىنالى دەپ تانىلدى»، - دەلىنگەن انتيكور حابارلاماسىندا.
جانىسپاەۆ 5 جىلعا باس بوستاندىعىنان ايىرىلىپ، ارناۋلى اتاعىنان، سونداي-اق ءومىر بويىنا مەملەكەتتىك قىزمەتتە لاۋازىمداردى اتقارۋ قۇقىعىنان ايىرىلدى.
ۇكىم زاڭدى كۇشىنە ەنگەن جوق.
«ادىرنا» ۇلتتىق پورتالى
