اقش بيلىگى دەپورتاتسيالاعان العاشقى ميگرانتتار توبى، ونىڭ ىشىندە قازاقستان ازاماتتارى، كوستا-ريكاعا جەتكىزىلدى، دەپ حابارلايدى "ادىرنا" ۇلتتىق پورتالى Reuters-كە سىلتەپ.
كوستا-ريكا ۇكىمەتى ۆاشينگتونمەن جاسالعان كەلىسىم اياسىندا 200-گە دەيىن دەپورتاتسيالانعان ميگرانتتاردى ۋاقىتشا قابىلداۋعا كەلىسكەن. وسى كەلىسىم اياسىندا سان-ديەگودان سان-حوسەگە ۇشاقپەن كەلگەن العاشقى توپ پاناما شەكاراسىنا جاقىن ورنالاسقان ميگرانتتاردى ۋاقىتشا ورنالاستىرۋ ورتالىعىنا جەتكىزىلدى.
بۇل توپتا قازاقستاننان بولەك، وزبەكستان، قىتاي، ارمەنيا، تۇركيا، اۋعانستان، رەسەي، گرۋزيا، ۆەتنام، ازەربايجان، يران، يوردانيا جانە گانا ازاماتتارى دا بار.
كوستا-ريكا بيلىگى ميگرانتتارعا ەلدە ءبىر اي بولۋعا رۇقسات بەردى. وسى ۋاقىت ىشىندە ولاردىڭ وتانىنا ەرىكتى تۇردە قايتۋى ۇيىمداستىرىلادى. ەگەر كەيبىر ميگرانتتار ەلدەن كەتۋدەن باس تارتسا، ولاردىڭ جاعدايى جەكە تارتىپتە قاراستىرىلاتىن بولادى.
"كوپشىلىگى ءوز ەلدەرىنە قايتقىسى كەلەدى", – دەدى كوستا-ريكانىڭ قاۋىپسىزدىك ۆيتسە-ءمينيسترى ومەر باديللا.
ۇقساس جاڭالىقتار
