عالامتوردا موبيليزاتسيادان قاشىپ، قازاقتى پانالاماق بولعان پاريلوۆ ەسىمدى الەۋمەتتىك جەلى قولدانۋشىسىنىڭ ۆيدەوسى تارادى. اۆتور ءوزىنىڭ قازاقستانعا ورنىعا الماي، باسقا ەلگە كەتۋىنە قازاقستاندىقتاردىڭ ىقپال ەتكەنىن ايتتى. بۇل جايلى "ادىرنا" ۇلتتىق پورتالى حابارلادى.
"سىزدەردىڭ پىكىرلەرىڭىزدى كوردىم. بيلەت الىپ، قازاقستاننان كەتۋگە شەشىم قابىلدادىم. سىزدەردىڭ ار-ۇياتتارىڭىز ءبىلسىن", - دەدى جەلى قولدانۋشىسى.
سونىمەن قاتار، پاريلوۆ شەتەلگە ۇشپاستان بۇرىن ۆيدەو جۇكتەپ، قازاقستاندىقتاردىڭ وزىنەن كەشىرىم سۇراۋىن تالاپ ەتتى.
"دوستار، مەن ۇشپاي تۇرىپ جاقسى، جىلى لەبىز ايتساڭىزدار بولار ەدى. قوشتاساردا، تىم قۇرىسا، قوشتاساردا مەيىرىم تانىتۋعا بولادى عوي", - دەدى اۆتور.
جەلى قولدانۋشىلارى ءبىر بولىگى اۆتوردىڭ قازاقستاندا ترانزيتتىك مەرزىمگە ايالداعانىن ايتسا، ەندى ءبىرى ونىڭ ساپارىنا اق جول تىلەپ، كەتكەنىنە قۋانىش بىلدىرۋدە.
"ادىرنا" ۇلتتىق پورتالى
