AQSh bıligi deportaııalaǵan alǵashqy mıgranttar toby, onyń ishinde Qazaqstan azamattary, Kosta-Rıkaǵa jetkizildi, dep habarlaıdy "Adyrna" ulttyq portaly Reuters-ke siltep.
Kosta-Rıka úkimeti Vashıngtonmen jasalǵan kelisim aıasynda 200-ge deıin deportaııalanǵan mıgranttardy ýaqytsha qabyldaýǵa kelisken. Osy kelisim aıasynda San-Dıegodan San-Hosege ushaqpen kelgen alǵashqy top Panama shekarasyna jaqyn ornalasqan mıgranttardy ýaqytsha ornalastyrý ortalyǵyna jetkizildi.
Bul topta Qazaqstannan bólek, Ózbekstan, Qytaı, Armenııa, Túrkııa, Aýǵanstan, Reseı, Grýzııa, Vetnam, Ázerbaıjan, Iran, Iordanııa jáne Gana azamattary da bar.
Kosta-Rıka bıligi mıgranttarǵa elde bir aı bolýǵa ruqsat berdi. Osy ýaqyt ishinde olardyń otanyna erikti túrde qaıtýy uıymdastyrylady. Eger keıbir mıgranttar elden ketýden bas tartsa, olardyń jaǵdaıy jeke tártipte qarastyrylatyn bolady.
"Kópshiligi óz elderine qaıtqysy keledi", – dedi Kosta-Rıkanyń qaýipsizdik vıe-mınıstri Omer Badılla.
