Pavlodar oblysynyń Baıanaýyl aýdandyq soty ónerkásiptik qaýipsizdik departamentiniń burynǵy basshysy men memlekettik tehqadaǵalaý bóliminiń bas mamanyna qatysty úkim shyǵardy, dep habarlaıdy “Adyrna” ulttyq portaly.
Olar 2016 jyly kásiporyndy tekserý barysynda jiberilgen salǵyrttyq úshin jaýapty dep tanyldy. Sol kezde beton qospasyn tóseý erejeleriniń buzylǵany anyqtalǵanymen, tıisti sharalar qabyldanbaǵan. Bul nemquraılylyq 2024 jyly qaıǵyly oqıǵaǵa alyp keldi.
“Sot O.-ny QR QK 371-babynyń 2-bóligi boıynsha kináli dep tanyp, úsh jyl merzimge bas bostandyǵyn shekteý jazasyn taǵaıyndady. Sondaı-aq oǵan ónerkásiptik qaýipsizdik salasyndaǵy qadaǵalaý jáne baqylaý qyzmetine baılanysty laýazymdardy atqarýǵa tyıym salyndy”, – dep habarlady sot ókilderi.
Departamenttiń burynǵy bas mamanyna eki jyl merzimge bas bostandyǵyn shekteý jazasy taǵaıyndalyp, úsh jyl boıy qaýipti óndiristik nysandardaǵy baqylaý men qadaǵalaý salasynda jumys isteýge tyıym salyndy. Aıta keteıik, tragedııa bolǵan kezde atalǵan tulǵalar departamentte jumys istemegen.
Aıta keteıik, 2024 jylǵy 4 qańtarda túnde Pavlodar oblysynda “RSh PVASS” JShS-niń qutqarýshylar mingen avtobýsy jer astyndaǵy oıyqqa qulap, tórt adam qaza tapqan bolatyn.
