Pavlodar oblysynyŋ Baianauyl audandyq soty önerkäsıptık qauıpsızdık departamentınıŋ būrynǧy basşysy men memlekettık tehqadaǧalau bölımınıŋ bas mamanyna qatysty ükım şyǧardy, dep habarlaidy “Adyrna” ūlttyq portaly.
Olar 2016 jyly käsıporyndy tekseru barysynda jıberılgen salǧyrttyq üşın jauapty dep tanyldy. Sol kezde beton qospasyn töseu erejelerınıŋ būzylǧany anyqtalǧanymen, tiıstı şaralar qabyldanbaǧan. Būl nemqūrailylyq 2024 jyly qaiǧyly oqiǧaǧa alyp keldı.
“Sot O.-ny QR QK 371-babynyŋ 2-bölıgı boiynşa kınälı dep tanyp, üş jyl merzımge bas bostandyǧyn şekteu jazasyn taǧaiyndady. Sondai-aq oǧan önerkäsıptık qauıpsızdık salasyndaǧy qadaǧalau jäne baqylau qyzmetıne bailanysty lauazymdardy atqaruǧa tyiym salyndy”, – dep habarlady sot ökılderı.
Departamenttıŋ būrynǧy bas mamanyna ekı jyl merzımge bas bostandyǧyn şekteu jazasy taǧaiyndalyp, üş jyl boiy qauıptı öndırıstık nysandardaǧy baqylau men qadaǧalau salasynda jūmys ısteuge tyiym salyndy. Aita keteiık, tragediia bolǧan kezde atalǧan tūlǧalar departamentte jūmys ıstemegen.
Aita keteiık, 2024 jylǧy 4 qaŋtarda tünde Pavlodar oblysynda “RSŞ PVASS” JŞS-nıŋ qūtqaruşylar mıngen avtobusy jer astyndaǧy oiyqqa qūlap, tört adam qaza tapqan bolatyn.
Ūqsas jaŋalyqtar
