قازاقستان ۇلتتىق بانكى ۆاليۋتالىق وپەراتسيالارعا قاتىستى جاڭا وزگەرىستەر ەنگىزدى. بۇل تۋرالى رەتتەۋشىنىڭ سايتىندا جازىلعان، دەپ حابارلايدى “ادىرنا” ۇلتتىق پورتالى.
اقپاراتقا سايكەس، ەندى بانكتەردىڭ ۆاليۋتالىق وپەراتسيالار بويىنشا ەسەپ بەرۋ مەرزىمى قىسقارتىلادى. ۆاليۋتالىق زاڭناما تالاپتارىنان جالتارماق بولدى دەگەن، قارجىلاي تەكسەرىستەن ءوتۋى قاجەت وپەراتسيالار ءتىزىمى كوبەيدى.
رەتتەۋشىنىڭ مالىمەتىنشە، 2024 جىلى ۇلتتىق قوردىڭ ۆاليۋتالىق اكتيۆى 58,8 ملرد دوللار نەمەسە 30 ترلن تەڭگەنى قۇرادى. ال ينۆەستيتسيالىق كىرىس 4,6 ملرد دوللار نەمەسە 7,6%-عا تەڭ.
قور قۇرىلعاننان بەرى جيناقتالعان كىرىس 128%-دى قۇرايدى، ال جىلدىق ماندە 3,55%-عا تەڭ.
سونداي-اق بانك باسقارماسىنىڭ شەشىمىمەن وسى جىلى 28 ناۋرىزدان باستاپ ديزاينى وزگەرتىلگەن جاڭا 1000 تەڭگەلىك بانكنوتا اينالىمعا شىعارىلاتىن بولدى. ودان بولەك «GRIFFIN» («كوشپەندىلەر اڭىزى مەن ميفتەرى» سەرياسىنان) جانە «OTYRAR» («قازاقستاندى مونەتالار ارقىلى زەرتتە» سەرياسىنان) اتتى جاڭا كوللەكتسيالىق مونەتالارى دا جارىق كورەدى.
