قازاقستاندىق تەڭگە بيرجاداعى ساۋدا ساتىنەن بەرى شامامەن 112 رەت قۇنسىزدانعان، دەپ حابارلايدى "ادىرنا" ۇلتتىق پورتالى كازتاگ-قا سىلتەپ.
قازاقستان قور بيرجاسىنىڭ (KASE) جۇما كۇنى كەشكى ساۋدا قورىتىندىسى بويىنشا دوللاردىڭ ورتاشا باعامى 522,77 تەڭگە بولدى. ال تەڭگە-دوللار باعامى العاش رەت بيرجادا انىقتالعان 1993 جىلعى العاشقى ساۋدادا 4,68 تەڭگە دەڭگەيىندە تىركەلگەن ەدى.
وسىلايشا، تەڭگە 32 جىل ىشىندە اقش دوللارىنا شاققاندا شامامەن 112 رەت ارزانداعانى بايقالادى.
ەسكە سالايىق، قازاقستاننىڭ ۇلتتىق ۆاليۋتاسى — تەڭگە 1993 جىلدىڭ 15 قاراشاسىندا اينالىمعا ەنگىزىلدى. بۇل كۇن قازىر ەلىمىزدە ۇلتتىق ۆاليۋتا كۇنى جانە قارجى سالاسى قىزمەتكەرلەرىنىڭ كاسىبي مەرەكەسى رەتىندە اتاپ وتىلەدى.
ۇقساس جاڭالىقتار
