Qazaqstan Ūlttyq Bankı valiutalyq operasiialarǧa qatysty jaŋa özgerıster engızdı. Būl turaly retteuşınıŋ saitynda jazylǧan, dep habarlaidy “Adyrna” ūlttyq portaly.
Aqparatqa säikes, endı bankterdıŋ valiutalyq operasiialar boiynşa esep beru merzımı qysqartylady. Valiutalyq zaŋnama talaptarynan jaltarmaq boldy degen, qarjylai tekserısten ötuı qajet operasiialar tızımı köbeidı.
Retteuşınıŋ mälımetınşe, 2024 jyly Ūlttyq qordyŋ valiutalyq aktivı 58,8 mlrd dollar nemese 30 trln teŋgenı qūrady. Al investisiialyq kırıs 4,6 mlrd dollar nemese 7,6%-ǧa teŋ.
Qor qūrylǧannan berı jinaqtalǧan kırıs 128%-dy qūraidy, al jyldyq mände 3,55%-ǧa teŋ.
Sondai-aq bank basqarmasynyŋ şeşımımen osy jyly 28 nauryzdan bastap dizainy özgertılgen jaŋa 1000 teŋgelık banknota ainalymǧa şyǧarylatyn boldy. Odan bölek «GRIFFIN» («Köşpendıler aŋyzy men mifterı» seriiasynan) jäne «OTYRAR» («Qazaqstandy monetalar arqyly zertte» seriiasynan) atty jaŋa kolleksiialyq monetalary da jaryq köredı.
Ūqsas jaŋalyqtar
