20 اقپاندا الماتىدا وتكەن Women in business فورۋمىندا Halyk Bank باسقارما ءتورايىمى ءۇمىت شاياحمەتوۆا ەل ەكونوميكاسى ءۇشىن ايەلدەردىڭ جۇمىسپەن قامتىلۋى مەن تابىسىنىڭ ءوسۋى قانشالىقتى ماڭىزدى ەكەنىن اتاپ ءوتتى.
ء"بىزدىڭ بانك ايەلدەر كاسىپكەرلىگىن بەلسەندى قولدايدى. ءبىز وسىمەن جەتىنشى رەت "بيزنەستەگى ايەلدەر" باعدارلاماسى اياسىندا 1 ملرد تەڭگە بولدىك. ايتا كەتۋ كەرەك، بۇل قارجىلاندىرۋ تەك بانكتىڭ جەكە قاراجاتى ەسەبىنەن جۇزەگە اسىرىلادى. مەنىڭ ويىمشا، ەلىمىزدە بەلسەندى، ساۋاتتى، ءبىلىمدى، ىسكەر جانە تابىستى ايەلدەر نەعۇرلىم كوپ بولسا، ءبىزدىڭ قوعام سوعۇرلىم جاقسى بولادى", - دەدى شاياحمەتوۆا.
Halyk ءتورايىمىنىڭ ايتۋىنشا، بۇل باستاما العاش رەت 2018 جىلى ىسكە اسىرىلعان جانە جىل سايىن وتكىزىلىپ كەلەدى. ايتا كەتەيىك، وسى ۋاقىت ىشىندە ەلىمىزدىڭ ءار وڭىرىنەن 600-دەن اسا ايەل Halyk Bank-تەن 7 ملرد تەڭگەگە ءتيىمدى شارتتارمەن ياعني 6-8%-بەن نەسيە الا الدى.
سونداي-اق، ءۇمىت شاياحمەتوۆا "بيزنەستەگى ايەلدەر" باعدارلاماسىنا قاتىسۋشىلاردىڭ نەگىزىنەن شاعىن جانە ورتا بيزنەس يەلەرى ەكەنىن اتاپ ءوتتى. ونىڭ ايتۋىنشا، ايەل كاسىپكەرلەردىڭ باسىم بولىگى قىزمەت كورسەتۋ جانە ساۋدا سالاسىندا جۇمىس ىستەيدى. كاسىپكەرلەردىڭ اراسىندا جەڭىل جانە تاماق ونەركاسىبىمەن، سونداي-اق مەديتسينالىق قىزمەتپەن اينالىساتىندار دا بار.
ەسكە سالا كەتەيىك، Halyk Bank ەكونوميكانىڭ ماڭىزدى سەكتورلارىنا بەلسەندى تۇردە نەسيە بەرەدى. بانك پورتفەلىندەگى قارىزداردىڭ 50%-دان استامى زاڭدى تۇلعالارعا تيەسىلى. بۇل نەسيەلەر ەكونوميكانىڭ بارلىق دەرلىك سەگمەنتتەرىنە، سونىڭ ىشىندە ونەركاسىپ، بايلانىس، ساۋدا، اۋىل شارۋاشىلىعى جانە تاعى باسقالارىنا بەرىلگەن نەسيەلەر.
