بۇگىن، 17 اقپاندا پرەزيدەنت قاسىم-جومارت توقاەۆ كادرلىق اۋىس-ءتۇيىس جاسادى، دەپ حابارلايدى «ادىرنا» ءتىلشىسى.
مەملەكەت باسشىسىنىڭ وكىمىمەن نۇرداۋلەت تولەەۆ پرەزيدەنت اكىمشىلىگىنىڭ جالپى ءبولىمىنىڭ مەڭگەرۋشىسى لاۋازىمىنان بوساتىلدى. ونىڭ ورنىنا ەربول اداەۆ كەلدى. جاڭا قىزمەتكە تاعايىندالعانعا دەيىن ول پرەزيدەنتتىڭ مۇلكىن باسقارۋ دەپارتامەنتىندە ۇيىمداستىرۋ-باقىلاۋ جانە كادر جۇمىسى ءبولىمىنىڭ مەڭگەرۋشىسى بولىپ جۇمىس ىستەگەن.
سونداي-اق الەكسەي كالايچيدي پرەزيدەنت اكىمشىلىگىنىڭ قۇقىق قورعاۋ جۇيەسى ءبولىمىنىڭ مەڭگەرۋشىسى لاۋازىمىنان بوساتىلدى. بۇل قىزمەتكە شىمكەنت قالالىق جەمقورلىققا قارسى ءىس-قيمىل اگەنتتىگىن باسقارعان داۋرەن ەرعارين تاعايىندالدى.
ايتا كەتەيىك، بۇعان دەيىن ەرۇلان جاماۋباەۆتىڭ ۇلتتىق بانك توراعاسىنىڭ ءبىرىنشى ورىنباسارى بولىپ تاعايىندالعانىن جازعان ەدىك.
