Búgin, 17 aqpanda prezıdent Qasym-Jomart Toqaev kadrlyq aýys-túıis jasady, dep habarlaıdy «Adyrna» tilshisi.
Memleket basshysynyń ókimimen Nurdáýlet Tóleev Prezıdent ákimshiliginiń Jalpy bóliminiń meńgerýshisi laýazymynan bosatyldy. Onyń ornyna Erbol Adaev keldi. Jańa qyzmetke taǵaıyndalǵanǵa deıin ol Prezıdenttiń múlkin basqarý departamentinde uıymdastyrý-baqylaý jáne kadr jumysy bóliminiń meńgerýshisi bolyp jumys istegen.
Sondaı-aq Alekseı Kalaıchıdı Prezıdent ákimshiliginiń Quqyq qorǵaý júıesi bóliminiń meńgerýshisi laýazymynan bosatyldy. Bul qyzmetke Shymkent qalalyq Jemqorlyqqa qarsy is-qımyl agenttigin basqarǵan Dáýren Erǵarın taǵaıyndaldy.
Aıta keteıik, buǵan deıin Erulan Jamaýbaevtyń Ulttyq Bank Tóraǵasynyń birinshi orynbasary bolyp taǵaıyndalǵanyn jazǵan edik.
