ەكىباستۇزداعى Maxi Mall ساۋدا-ويىن-ساۋىق ورتالىعىنىڭ توبەسى وپىرىلىپ ءتۇستى، دەپ حابارلايدى "ادىرنا" ۇلتتىق پورتالى.
قالا اكىمدىگى بۇل اقپاراتتى راستادى.
"16 اقپان كۇنى ساعات 18:05 شاماسىندا ءتورت قاباتتى عيماراتتىڭ ءۇشىنشى قاباتىندا گيپسوكارتوننان جاسالعان اسپالى توبە قۇلادى. زارداپ شەككەندەر جوق، وقيعا ورنىندا ءتيىستى قىزمەتتەر جۇمىس ىستەۋدە", – دەپ مالىمدەدى اكىمدىك.
وقيعانىڭ ۆيدەوسى الەۋمەتتىك جەلىلەردە تارادى. كادرلاردا ۇلكەن توبە بولىگى قۇلاپ، اينالاداعىلاردىڭ شوشىنعانى بايقالادى. ۆيدەودا ايعاي-شۋ ەستىلىپ، ادامدار جاقىندارىن ىزدەپ جاتقانىن كورۋگە بولادى.
توتەنشە جاعدايلار مينيسترلىگى وقيعاعا قاتىستى پىكىر ءبىلدىردى.
"ەكىباستۇز قالاسىندا م.اۋەزوۆ كوشەسى بويىنداعى ساۋدا ۇيلەرىنىڭ بىرىندە 150 ش.م. الاڭدا اسپالى توبەنىڭ وپىرىلۋى ورىن الدى. وقيعا ورنىندا شۇعىل قىزمەتتەر جۇمىس ىستەۋدە. زارداپ شەككەندەر جوق" - دەلىنگەن حابارلامادا.
