Ekibastuzdaǵy Maxi Mall saýda-oıyn-saýyq ortalyǵynyń tóbesi opyrylyp tústi, dep habarlaıdy "Adyrna" ulttyq portaly.
Qala ákimdigi bul aqparatty rastady.
"16 aqpan kúni saǵat 18:05 shamasynda tórt qabatty ǵımarattyń úshinshi qabatynda gıpsokartonnan jasalǵan aspaly tóbe qulady. Zardap shekkender joq, oqıǵa ornynda tıisti qyzmetter jumys isteýde", – dep málimdedi ákimdik.
Oqıǵanyń vıdeosy áleýmettik jelilerde tarady. Kadrlarda úlken tóbe bóligi qulap, aınaladaǵylardyń shoshynǵany baıqalady. Vıdeoda aıǵaı-shý estilip, adamdar jaqyndaryn izdep jatqanyn kórýge bolady.
Tótenshe jaǵdaılar mınıstrligi oqıǵaǵa qatysty pikir bildirdi.
"Ekibastuz qalasynda M.Áýezov kóshesi boıyndaǵy saýda úıleriniń birinde 150 sh.m. alańda aspaly tóbeniń opyrylýy oryn aldy. Oqıǵa ornynda shuǵyl qyzmetter jumys isteýde. Zardap shekkender joq" - delingen habarlamada.
