الەۋمەتتىك جەلىدە تالعارداعى ءجاسوسپىرىمنىڭ ولىمىنە كۇدىكتىلەردىڭ تۇرمەدە تويلاعان ءساتى تارادى، دەپ حابارلايدى "ادىرنا" ۇلتتىق پورتالى.
الەۋمەتتىك جەلىدە ءبىر توپ ەر ادامنىڭ بي بيلەپ، كوڭىل كوتەرىپ جاتقان ۆيدەوسى تارادى. بەينەجازبا اۆتورلارى مەن پىكىر قالدىرۋشىلار ۆيدەوداعى ادامدار تالعاردا 16 جاستاعى شەرزات بولاتتى ولتىرۋگە كۇدىكتىلەر بولۋى مۇمكىن ەكەنىن ايتادى.
الماتى وبلىستىق پوليتسيا دەپارتامەنتى بۇل اقپاراتقا پىكىر ءبىلدىردى.
"ۋاقىتشا ۇستاۋ يزولياتورى ىشىندە تۋعان كۇن تويلاۋ فاكتىسى بويىنشا جان-جاقتى تەكسەرۋ جۇرگىزىلۋدە. بارلىق كىنالىلەر، سونىڭ ىشىندە باسشىلىق وكىلدەرى دە قاتاڭ جاۋاپكەرشىلىككە تارتىلادى. تەرگەۋ بارىسى ەرەكشە باقىلاۋعا الىندى. مۇنداي زاڭبۇزۋشىلىقتارعا جول بەرگەن سەبەپتەر مەن جاعدايلاردى جويۋ شارالارى قابىلداندى", – دەلىنگەن حابارلامادا.
ايتا كەتەيىك، شەرزات بولاتتىڭ ءولىمى 2024 جىلدىڭ 4 قازانىنا قاراعان ءتۇنى بولعان. بۇل قىلمىسقا قاتىستى 11 كۇدىكتى قاماۋعا الىنعان. قازاقستاننىڭ ىشكى ىستەر ءمينيسترى ەرجان سادەنوۆ تەرگەۋدى جەكە باقىلاۋعا الىپ، تالعارعا ءىىم-ءنىڭ ارنايى توبى جىبەرىلگەن.
