Áleýmettik jelide Talǵardaǵy jasóspirimniń ólimine kúdiktilerdiń túrmede toılaǵan sáti tarady, dep habarlaıdy "Adyrna" ulttyq portaly.
Áleýmettik jelide bir top er adamnyń bı bılep, kóńil kóterip jatqan vıdeosy tarady. Beınejazba avtorlary men pikir qaldyrýshylar vıdeodaǵy adamdar Talǵarda 16 jastaǵy Sherzat Bolatty óltirýge kúdiktiler bolýy múmkin ekenin aıtady.
Almaty oblystyq polıııa departamenti bul aqparatqa pikir bildirdi.
"Ýaqytsha ustaý ızolıatory ishinde týǵan kún toılaý faktisi boıynsha jan-jaqty tekserý júrgizilýde. Barlyq kináliler, sonyń ishinde basshylyq ókilderi de qatań jaýapkershilikke tartylady. Tergeý barysy erekshe baqylaýǵa alyndy. Mundaı zańbuzýshylyqtarǵa jol bergen sebepter men jaǵdaılardy joıý sharalary qabyldandy", – delingen habarlamada.
Aıta keteıik, Sherzat Bolattyń ólimi 2024 jyldyń 4 qazanyna qaraǵan túni bolǵan. Bul qylmysqa qatysty 11 kúdikti qamaýǵa alynǵan. Qazaqstannyń ishki ister mınıstri Erjan Sadenov tergeýdi jeke baqylaýǵa alyp, Talǵarǵa IIM-niń arnaıy toby jiberilgen.
