شايبالى حوككەيدەن قازاقستان چەمپيوناتىنىڭ سوڭعى ويىنى جاپپاي توبەلەسپەن اياقتالدى. بۇل تۋرالى ينستاگرامداعى «گولوۆوي وب لەد» ارناسىندا ۆيدەو تارادى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، "بەيبارىس" پەن "ارلان" (0:4) اراسىنداعى ماتچ بارىسىندا ءبىر رەت عانا توبەلەس بولعان. بىراق تورەشى ىسقىرىعى ەستىلگەننەن كەيىن قوس كوماندانىڭ حوككەيشىلەر عانا ەمەس، ءتىپتى جاتتىقتىرۋشىلار مەن كلۋب قىزمەتكەرلەرى دە ءبىر-بىرىنە نارازىلىق ءبىلدىردى. مۇنىڭ سوڭى جاپپاي توبەلەسكە ۇلاستى.
جەلىگە تاراعان ۆيدەودا ادىلەتسىز شەشىممەن كەلىسپەگەن كلۋب قىزمەتكەرلەرىنىڭ ءبىرى ويىنشىلاردى سابىرعا شاقىرۋدىڭ ورنىنا ولارمەن بىرگە توبەلەسكە كىرىسكەنى كورىنەدى.
“قىزمەتكەرلەردىڭ ءبىرى (قاي كلۋبتىڭ ەكەنى ازىرگە بەلگىسىز) ويىنشىلاردى تىنىشتاندىرۋدىڭ ورنىنا، قۇلاپ جاتقان حوككەيشىنى ۇرادى. بۇل دۇرىس ەمەس، ءبىز بۇل ارەكەتتى قاتە دەپ ەسەپتەيمىز”،- دەپ جازادى ارنا.
