اقش پرەزيدەنتى دونالد ترامپ پەن رەسەي پرەزيدەنتى ۆلاديمير پۋتين ساۋد ارابياسىندا جەكە كەزدەسۋ وتكىزەتىن بولدى، دەپ حابارلايدى “ادىرنا” ۇلتتىق پورتالى BBC-گە سىلتەپ.
كەزدەسۋ بارىسىندا رەسەي مەن ۋكراينا اراسىنداعى سوعىستى توقتاتۋ مۇمكىندىكتەرىن تالقىلايدى. بۇل تۋرالى ترامپ 12 اقپاندا اق ۇيدە جۋرناليستەرگە بەرگەن سۇحباتىندا مالىمدەدى. مۇنداي شەشىم پۋتينمەن تەلەفون ارقىلى سويلەسكەننەن كەيىن قابىلدانعان.
ء"بىز ميلليونداعان ادامنىڭ قازا بولۋىن توقتاتقىمىز كەلەدى", – دەدى ترامپ. سونىمەن قاتار، ول ۋكرايناعا بارلىق جەرلەرىن قايتارۋ مۇمكىندىگى "از ىقتيمال" ەكەنىن مالىمدەدى جانە ۋكراينانىڭ ناتو-عا كىرۋىنىڭ ء“تيىمدى ەمەس” ەكەنىن اتاپ ءوتتى.
پۋتينمەن تەلەفون ارقىلى سويلەسكەننەن كەيىن ترامپ ۋكراينا پرەزيدەنتى ۆلاديمير زەلەنسكيگە حابارلاسىپ، بولعان اڭگىمەنىڭ ءمان-جايىن جەتكىزگەنىن ايتتى.
“مەن اقش مەملەكەتتىك حاتشىسى ماركو رۋبيو، تسرۋ ديرەكتورى دجون رەتكليفف، ۇلتتىق قاۋىپسىزدىك جونىندەگى كەڭەسشى مايكل ۋولتتس جانە ارنايى وكىل ستيۆ ۋيتكوففتى كەلىسسوزدەردى جۇرگىزۋگە تاعايىندادىم. مەن بۇل كەلىسسوزدەردىڭ ءساتتى بولاتىنىنا سەنىمدىمىن”، – دەدى ترامپ.
كرەملدىڭ ءباسپاسوز حاتشىسى دميتري پەسكوۆ ەكى ەل باسشىلارى “رەسەي-ۋكراينا سوعىسىن رەتتەۋ ءۇشىن كەلىسسوزدەر جۇرگىزۋ كەرەكتىگى” تۋرالى كەلىسكەنىن راستادى. ونىڭ ايتۋىنشا، پۋتين “قاقتىعىستىڭ نەگىزگى سەبەپتەرىن جويۋ قاجەتتىگىن” ايتىپ وتكەن. سونىمەن قاتار، رەسەي پرەزيدەنتى ترامپتى ماسكەۋگە رەسمي ساپارمەن كەلۋگە شاقىرعان.
ترامپ پەن ءپۋتيننىڭ كەزدەسۋى ۋكرايناداعى سوعىستى توقتاتۋ جولدارىن قاراستىرۋى مۇمكىن ەڭ ءىرى كەلىسسوزدەردىڭ ءبىرى بولۋى مۇمكىن.
