AQŞ prezidentı Donald Tramp pen Resei prezidentı Vladimir Putin Saud Arabiiasynda jeke kezdesu ötkızetın boldy, dep habarlaidy “Adyrna” ūlttyq portaly BBC-ge sıltep.
Kezdesu barysynda Resei men Ukraina arasyndaǧy soǧysty toqtatu mümkındıkterın talqylaidy. Būl turaly Tramp 12 aqpanda Aq üide jurnalisterge bergen sūhbatynda mälımdedı. Mūndai şeşım Putinmen telefon arqyly söileskennen keiın qabyldanǧan.
"Bız milliondaǧan adamnyŋ qaza boluyn toqtatqymyz keledı", – dedı Tramp. Sonymen qatar, ol Ukrainaǧa barlyq jerlerın qaitaru mümkındıgı "az yqtimal" ekenın mälımdedı jäne Ukrainanyŋ NATO-ǧa kıruınıŋ “tiımdı emes” ekenın atap öttı.Putinmen telefon arqyly söileskennen keiın Tramp Ukraina prezidentı Vladimir Zelenskiige habarlasyp, bolǧan äŋgımenıŋ män-jaiyn jetkızgenın aitty.
“Men AQŞ memlekettık hatşysy Marko Rubio, SRU direktory Djon Retkliff, ūlttyq qauıpsızdık jönındegı keŋesşı Maikl Uolts jäne arnaiy ökıl Stiv Uitkoffty kelıssözderdı jürgızuge taǧaiyndadym. Men būl kelıssözderdıŋ sättı bolatynyna senımdımın”, – dedı Tramp.Kremldıŋ baspasöz hatşysy Dmitrii Peskov ekı el basşylary “Resei-Ukraina soǧysyn retteu üşın kelıssözder jürgızu kerektıgı” turaly kelıskenın rastady. Onyŋ aituynşa, Putin “qaqtyǧystyŋ negızgı sebepterın joiu qajettıgın” aityp ötken. Sonymen qatar, Resei prezidentı Trampty Mäskeuge resmi saparmen keluge şaqyrǧan. Tramp pen Putinnıŋ kezdesuı Ukrainadaǧy soǧysty toqtatu joldaryn qarastyruy mümkın eŋ ırı kelıssözderdıŋ bırı boluy mümkın.
Ūqsas jaŋalyqtar
