ەلورداداعى تۇرعىن ءۇي كەشەندەرىنىڭ بىرىندە شابۋىلعا ۇشىراپ، بەتى پىشاقپەن تىلىمدەلگەن بالاعا قاتىستى دارىگەرلەر مالىمدەمە جاسادى، دەپ حابارلايدى "ادىرنا" ۇلتتىق پورتالى.
بەس جاسار بالا №2 كوپسالالى قالالىق بالالار اۋرۋحاناسىنىڭ جاق-بەت حيرۋرگياسى بولىمىنە جاتقىزىلعان.
قالالىق دەنساۋلىق ساقتاۋ باسقارماسىنىڭ مالىمەتىنشە، قازىر بالانىڭ جاعدايى ورتاشا اۋىرلىقتا. بارلىق قاجەتتى ەم-دوم تولىق كولەمدە كورسەتىلۋدە.
دارىگەرلەر بۇعان دەيىن قان كەتۋدى توقتاتۋ ءۇشىن قان تامىرلارىن بايلاۋ وپەراتسياسىن جاساعان. وتادان كەيىن بالانىڭ جاعدايى تۇراقتالعان. №2 كوپسالالى قالالىق بالالار اۋرۋحاناسىنىڭ جاق-بەت حيرۋرگياسى ءبولىمىنىڭ مەڭگەرۋشىسى يۋسۋپ گۋسەينوۆتىڭ ايتۋىنشا، بالا اۋرۋحاناعا ءتورت پىشاق جاراقاتىمەن تۇسكەن.
"ەڭ تەرەڭ جارا – سول جاق قۇلاق ماڭىندا بولدى. بالا كوپ قان جوعالتقاندىقتان، ومىرىنە قاۋىپ ءتوندى. قازىر جاعدايى تۇراقتى. شرامى بارىنشا از بولادى. بىراق وعان بەلگىلى ءبىر وڭالتۋ پروتسەسىنەن ءوتۋ قاجەت", – دەدى دارىگەر.
قازىر بالاعا قاجەتتى بارلىق مەديتسينالىق كومەك كورسەتىلۋدە، ومىرىنە قاۋىپ جوق.
ەسكە سالا كەتەيىك، كەشە استانادا تۇرعىن ءۇي كەشەنىندى ليفتىدە ءجاسوسپىرىم كىشكەنتاي بالانىڭ بەتىن پىشاقپەن كەسكەنىن جازعان ەدىك.
