Елордадағы тұрғын үй кешендерінің бірінде шабуылға ұшырап, беті пышақпен тілімделген балаға қатысты дәрігерлер мәлімдеме жасады, деп хабарлайды "Адырна" ұлттық порталы.
Бес жасар бала №2 Көпсалалы қалалық балалар ауруханасының жақ-бет хирургиясы бөліміне жатқызылған.
Қалалық денсаулық сақтау басқармасының мәліметінше, қазір баланың жағдайы орташа ауырлықта. Барлық қажетті ем-дом толық көлемде көрсетілуде.
Дәрігерлер бұған дейін қан кетуді тоқтату үшін қан тамырларын байлау операциясын жасаған. Отадан кейін баланың жағдайы тұрақталған. №2 Көпсалалы қалалық балалар ауруханасының жақ-бет хирургиясы бөлімінің меңгерушісі Юсуп Гусейновтың айтуынша, бала ауруханаға төрт пышақ жарақатымен түскен.
"Ең терең жара – сол жақ құлақ маңында болды. Бала көп қан жоғалтқандықтан, өміріне қауіп төнді. Қазір жағдайы тұрақты. Шрамы барынша аз болады. Бірақ оған белгілі бір оңалту процесінен өту қажет", – деді дәрігер.
Қазір балаға қажетті барлық медициналық көмек көрсетілуде, өміріне қауіп жоқ.
Еске сала кетейік, кеше Астанада тұрғын үй кешенінді лифтіде жасөспірім кішкентай баланың бетін пышақпен кескенін жазған едік.
기타 기사
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз