11 اقپان كۇنى الماتىداعى Green Recycle قوقىس وڭدەۋ كاسىپورنى اۋماعىندا قوقىس سۇرىپتاۋ كەزىندە ايەل ادامنىڭ بولشەكتەلگەن دەنەسى تابىلدى، دەپ حابارلايدى "ادىرنا" ۇلتتىق پورتالى.
دەرەكتەرگە سۇيەنسەك، مارقۇم 36 جاستا بولعان. تەرگەۋ بارىسىندا 9 اقپاندا المەرەك ىقشاماۋدانىندا جالعا الىنعان ۇيدە ايەل مەن ونىڭ ازاماتتىق نەكەدەگى كۇيەۋى اراسىندا سپيرتتىك ىشىمدىك ءىشۋ كەزىندە جانجال بولعانى انىقتالدى. سونىڭ سالدارىنان ەر ادام ايەلگە بىرنەشە رەت پىشاق جاراقاتىن سالىپ، كەيىن دەنەسىن بولشەكتەپ، قوقىس كونتەينەرىنە تاستاعان.
الماتى قالالىق پوليتسيا دەپارتامەنتىنىڭ ءباسپاسوز قىزمەتى ادام ءولتىرۋ فاكتىسى بويىنشا تۇركسىب اۋدانى پوليتسيا باسقارماسىندا قىلمىستىق ءىس قوزعالعانىن حابارلادى.
"كۇدىكتى ۇستالىپ، ۋاقىتشا ۇستاۋ يزولياتورىنا قامالدى. الدىن الا مالىمەت بويىنشا، ەر ادام بىرگە ىشىمدىك ءىشۋ بارىسىندا جانجال شىعىپ، ازاماتتىق نەكەدەگى ايەلىن ولتىرگەن. وزگە ءمان-جايلار انىقتالۋدا", – دەپ مالىمدەدى پوليتسيا وكىلدەرى.
