11 aqpan künı Almatydaǧy Green Recycle qoqys öŋdeu käsıporny aumaǧynda qoqys sūryptau kezınde äiel adamnyŋ bölşektelgen denesı tabyldy, dep habarlaidy "Adyrna" ūlttyq portaly.
Derekterge süiensek, marqūm 36 jasta bolǧan. Tergeu barysynda 9 aqpanda Älmerek yqşamaudanynda jalǧa alynǧan üide äiel men onyŋ azamattyq nekedegı küieuı arasynda spirttık ışımdık ışu kezınde janjal bolǧany anyqtaldy. Sonyŋ saldarynan er adam äielge bırneşe ret pyşaq jaraqatyn salyp, keiın denesın bölşektep, qoqys konteinerıne tastaǧan.
Almaty qalalyq polisiia departamentınıŋ baspasöz qyzmetı adam öltıru faktısı boiynşa Türksıb audany polisiia basqarmasynda qylmystyq ıs qozǧalǧanyn habarlady.
"Küdıktı ūstalyp, uaqytşa ūstau izoliatoryna qamaldy. Aldyn ala mälımet boiynşa, er adam bırge ışımdık ışu barysynda janjal şyǧyp, azamattyq nekedegı äielın öltırgen. Özge män-jailar anyqtaluda", – dep mälımdedı polisiia ökılderı.
