11 aqpan kúni Almatydaǵy Green Recycle qoqys óńdeý kásiporny aýmaǵynda qoqys suryptaý kezinde áıel adamnyń bólshektelgen denesi tabyldy, dep habarlaıdy "Adyrna" ulttyq portaly.
Derekterge súıensek, marqum 36 jasta bolǵan. Tergeý barysynda 9 aqpanda Álmerek yqshamaýdanynda jalǵa alynǵan úıde áıel men onyń azamattyq nekedegi kúıeýi arasynda spırttik ishimdik ishý kezinde janjal bolǵany anyqtaldy. Sonyń saldarynan er adam áıelge birneshe ret pyshaq jaraqatyn salyp, keıin denesin bólshektep, qoqys konteınerine tastaǵan.
Almaty qalalyq polıııa departamentiniń baspasóz qyzmeti adam óltirý faktisi boıynsha Túrksib aýdany polıııa basqarmasynda qylmystyq is qozǵalǵanyn habarlady.
"Kúdikti ustalyp, ýaqytsha ustaý ızolıatoryna qamaldy. Aldyn ala málimet boıynsha, er adam birge ishimdik ishý barysynda janjal shyǵyp, azamattyq nekedegi áıelin óltirgen. Ózge mán-jaılar anyqtalýda", – dep málimdedi polıııa ókilderi.
