اۋىل شارۋاشىلىعى ءمينيسترى ايداربەك ساپاروۆ قازاقستانداعى سيىر ەتىنىڭ قىمباتتاۋىنا قاتىستى تۇسىنىكتەمە بەردى، دەپ حابارلايدى “ادىرنا” ۇلتتىق پورتالى.
ۇكىمەت وتىرىسىندا مينيستردەن ەت باعاسىنىڭ قىمباتتاۋىنا قاتىستى ساۋال جولداندى. قىمباتشىلىق بىرنەشە جىل بۇرىنعى قۇرعاقشىلىقپەن بايلانىستى ما، جوق پا؟
“بىرىنشىدەن، بارلىق مال قىرىلعان جوق. ەكىنشىدەن، ەتتىڭ قىمباتتاۋى قۇرعاقشىلىققا بايلانىستى ەمەس. وتكەن جىلى ءبىز قالىپتى ءونىم الدىق، جەم-ءشوپ قورى جەتكىلىكتى جانە ارزان. بىراق باعانى دەلدالدار كوتەرىپ وتىر. تاجىكستان تاراپىنان سۇرانىس ارتقاندىقتان، ەت باعاسى ءوستى. دەگەنمەن قازىرگى ۋاقىتتا باعا بىرتىندەپ تۇراقتالىپ كەلەدى. ەتتىڭ ءبىر كەلىسى 2,7 مىڭ – 3,3 مىڭ تەڭگە ارالىعىندا ساتىلۋدا، كەي جەرلەردە 3,5 مىڭ تەڭگەگە جەتكەن. بىراق ەلدە ەت تاپشىلىعى جوق”، – دەدى مينيستر.
سونىمەن قاتار، ودان كوكتەمگە دەيىن باعا قالاي وزگەرەتىنى سۇرالدى.
“الدىن الا بولجام ايتۋ قيىن. سەبەبى باعا نارىقتاعى سۇرانىس پەن ۇسىنىسقا بايلانىستى. ءبىزدىڭ مىندەتىمىز – ءوندىرىستى قامتاماسىز ەتۋ”، – دەپ جاۋاپ بەردى ساپاروۆ.
