Auyl şaruaşylyǧy ministrı Aidarbek Saparov Qazaqstandaǧy siyr etınıŋ qymbattauyna qatysty tüsınıkteme berdı, dep habarlaidy “Adyrna” ūlttyq portaly.
Ükımet otyrysynda ministrden et baǧasynyŋ qymbattauyna qatysty saual joldandy. Qymbatşylyq bırneşe jyl būrynǧy qūrǧaqşylyqpen bailanysty ma, joq pa?
“Bırınşıden, barlyq mal qyrylǧan joq. Ekınşıden, ettıŋ qymbattauy qūrǧaqşylyqqa bailanysty emes. Ötken jyly bız qalypty önım aldyq, jem-şöp qory jetkılıktı jäne arzan. Bıraq baǧany deldaldar köterıp otyr. Täjıkstan tarapynan sūranys artqandyqtan, et baǧasy östı. Degenmen qazırgı uaqytta baǧa bırtındep tūraqtalyp keledı. Ettıŋ bır kelısı 2,7 myŋ – 3,3 myŋ teŋge aralyǧynda satyluda, kei jerlerde 3,5 myŋ teŋgege jetken. Bıraq elde et tapşylyǧy joq”, – dedı ministr.Sonymen qatar, odan köktemge deiın baǧa qalai özgeretını sūraldy.
“Aldyn ala boljam aitu qiyn. Sebebı baǧa naryqtaǧy sūranys pen ūsynysqa bailanysty. Bızdıŋ mındetımız – öndırıstı qamtamasyz etu”, – dep jauap berdı Saparov.
Ūqsas jaŋalyqtar
