پرەمەر-مينيستر اۋىل شارۋاشىلىعىن تسيفرلاندىرۋ دەڭگەيىنە نارازىلىق ءبىلدىردى، دەپ حابارلايدى “ادىرنا” ۇلتتىق پورتالى.
Agritech Hub كومپانياسىنىڭ نەگىزىن قالاۋشى ديانا دۋشنيازوۆا سپۋتنيكتىك دەرەكتەر مەن جاساندى ينتەللەكت كومەگىمەن جەردىڭ ونىمدىلىگى مەن ەگىن ءتۇسىمىن بولجاۋ تەحنولوگياسى تۋرالى باياندادى. ونىڭ ايتۋىنشا، بۇل جۇيە تۇركىستان مەن جامبىل وبلىستارىندا، سونداي-اق وزبەكستاننىڭ 8 وڭىرىندە قولدانىلعان.
ولجاس بەكتەنوۆ اتالعان تەحنولوگيالاردىڭ قازاقستاننان گورى كورشى ەلدەردە بەلسەندى قولدانىلىپ جاتقانىنا قىنجىلىس ءبىلدىردى.
“وزبەكستان ءبىزدىڭ تەحنولوگيالاردى پايدالانىپ جاتىر. ال ءبىز شە؟ نەگە قولدانبايمىز؟ سۋدى ۇنەمدەۋ كەرەك ەمەس پە؟ وسى تەحنولوگيالاردى ەنگىزىڭدەر!” – دەپ تاپسىردى پرەمەر-مينيستر اۋىل شارۋاشىلىعى ءمينيسترى ايداربەك ساپاروۆقا.
