2024 جىلى قىتاي مەن ورتالىق ازياداعى بەس ەل اراسىنداعى ەكسپورت پەن يمپورت كولەمى 94,82 ميلليارد اقش دوللارىن قۇرادى. بۇل وتكەن جىلمەن سالىستىرعاندا 6,1 پايىزعا ارتىق، دەپ حابارلايدى "ادىرنا" ۇلتتىق پورتالى قحر-دىڭ باس كەدەن باسقارماسىنىڭ رەسمي سايتىنا سىلتەپ.
قىتايدىڭ ساۋدا اينالىمى قازاقستانمەن - 43,82 ملرد، قىرعىزستانمەن - 22,71 ملرد، تاجىكستانمەن - 3,86 ملرد، تۇرىكمەنستان جانە وزبەكستانمەن 1- 0,65 ملرد جانە 13,78 ملرد اقش دوللارىنا جەتكەن.
قحر باس كەدەن باسقارماسىنىڭ دەرەكتەرىنە سايكەس، 2024 جىلى قىتايدىڭ جالپى سىرتقى ساۋدا كولەمى 43,85 ترلن يۋانعا (شامامەن 6,1 ترلن اقش دوللارى) جەتكەن.
بۇعان دەيىن باس كەدەن باسقارماسى باسشىسىنىڭ ورىنباسارى ۆان لينتسزيۋن ءباسپاسوز كونفەرەنتسياسىندا قىتاي 150-دەن استام ەل مەن ءوڭىردىڭ نەگىزگى ساۋدا سەرىكتەسىنە اينالعانىن ايتقان ەدى. ونىڭ ايتۋىنشا، ەلدىڭ سىرتقى ساۋداداعى دوستار شەڭبەرى كەڭەيىپ، ورتالىق ازيا، لاتىن امەريكاسى، افريكا، ورتالىق جانە شىعىس ەۋروپا ەلدەرىمەن ەكونوميكالىق جانە ساۋدا بايلانىستارى نىعايا تۇسكەن.
