2024 jyly Qytaı men Ortalyq Azııadaǵy bes el arasyndaǵy eksport pen ımport kólemi 94,82 mıllıard AQSh dollaryn qurady. Bul ótken jylmen salystyrǵanda 6,1 paıyzǵa artyq, dep habarlaıdy "Adyrna" ulttyq portaly QHR-dyń Bas keden basqarmasynyń resmı saıtyna siltep.
Qytaıdyń saýda aınalymy Qazaqstanmen - 43,82 mlrd, Qyrǵyzstanmen - 22,71 mlrd, Tájikstanmen - 3,86 mlrd, Túrikmenstan jáne Ózbekstanmen 1- 0,65 mlrd jáne 13,78 mlrd AQSh dollaryna jetken.
QHR bas keden basqarmasynyń derekterine sáıkes, 2024 jyly Qytaıdyń jalpy syrtqy saýda kólemi 43,85 trln ıýanǵa (shamamen 6,1 trln AQSh dollary) jetken.
Buǵan deıin bas keden basqarmasy basshysynyń orynbasary Van Lınzıýn baspasóz konferenııasynda Qytaı 150-den astam el men óńirdiń negizgi saýda seriktesine aınalǵanyn aıtqan edi. Onyń aıtýynsha, eldiń syrtqy saýdadaǵy dostar sheńberi keńeıip, Ortalyq Azııa, Latyn Amerıkasy, Afrıka, Ortalyq jáne Shyǵys Eýropa elderimen ekonomıkalyq jáne saýda baılanystary nyǵaıa túsken.
