الماتى – وسكەمەن تاس جولىندا بولعان ءىرى جول-كولىك وقيعاسى سالدارىنان ءتورت ادام كوز جۇمدى، دەپ حابارلايدى "ادىرنا" ۇلتتىق پورتالى.
قايعىلى وقيعا 8 اقپان كۇنى بولعان. تالدىقورعان ماڭىنداعى 271-شاقىرىمدا Audi-100 اۆتوكولىگىنىڭ جۇرگىزۋشىسى رولگە يە بولا الماي، اعاشقا سوعىلعان. جول اپاتىنىڭ سالدارىنان كولىك جۇرگىزۋشىسى مەن ءۇش جولاۋشى وقيعا ورنىندا جان تاپسىردى. تاعى ءبىر جولاۋشى اۋىر جاراقات الىپ، اۋرۋحاناعا جەتكىزىلدى.
جەتىسۋ وبلىستىق پوليتسيا دەپارتامەنتىنىڭ باسشىسى سارقىتباي قۇسايىنوۆتىڭ مالىمدەۋىنشە، بۇل وقيعاعا بايلانىستى قىلمىستىق ءىس قوزعالىپ، تەرگەۋ باستالدى.
ۇقساس جاڭالىقتار
تاعى ءبىر اۆتوبۋس اپاتى. قاراعاندى وبلىسىندا وقىس وقيعادان ءۇش ادام قازا تاۋىپ، تورتەۋى زارداپ شەكتى
