ششۋچينسكىدە 65 جاستاعى مەكتەپ مۇعالىمى سۋعا باتىپ بارا جاتقان بالانى قۇتقارۋ كەزىندە قازا تاپتى. اقپاراتتى اقمولا وبلىسى توتەنشە جاعدايلار دەپارتامەنتىنىڭ ءباسپاسوز قىزمەتى راستادى، دەپ حابارلايدى «ادىرنا» ءتىلشىسى.
قايعىلى جاعداي 12 شىلدە كۇنى بولعان.
«1958 جىلى تۋعان ازامات بالانى قۇتقارۋ كەزىندە سۋعا باتىپ كەتتى. بالا امان قالدى، الايدا ەر ادام ءوزىن قۇتقارا المادى»،—دەدى باسقارما.
الەكساندر رۋدەنكو استاناداعى №32 مەكتەپ-گيمنازياسىندا العاشقى اسكەري دايىندىق پانىنەن ساباق بەرگەن. مەكتەپ اكىمشىلىگى مارقۇمنىڭ تۋعاندارى مەن جاقىندارىنا كوڭىل ايتتى.
«ول جاناشىر جانە مۇقيات ادام بولدى. ءوزىنىڭ تاجىريبەسى مەن ءبىلىمىنىڭ، ىسكەرلىگىنىڭ ارقاسىندا ۇستازدار قاۋىمىنىڭ عانا ەمەس، وقۋشىلار مەن اتا-انالاردىڭ دا سۇيىسپەنشىلىگىنە يە بولدى. بۇل – وتە اۋىر، مەزگىلسىز جانە ورنى تولماس قايعى. تۋعاندارى مەن جاقىندارىنا كوڭىل ايتامىز»،—دەپ جازدى ءبىلىم ورداسى.
