الماتىدا پاترۋلدىك كولىك اۆتوبۋس جولاعىندا كەلە جاتقان موپەد جۇرگىزۋشىسىن قاعىپ كەتكەن، دەپ حابارلايدى "ادىرنا" ءتىلشىسى.
جول-كولىك وقيعاسى 23 ساۋىردە جەتىسۋ اۋدانىندا بولعان. پوليتسيانىڭ پاترۋلدىك كولىگى سولعا بۇرىلىپ، مانەۆر جاساعاندا موپەد جۇرگىزۋشىسىن قاعىپ كەتكەن. ادام شىعىنى بولمادى.
"پاترۋلدىك پوليتسيا ەكيپاجى شۇعىل شاقىرۋعا بارا جاتقاندا، بەلگىلەنگەن ەرەجەلەرگە سايكەس قاتاڭ تۇردە بۇرىلۋ مانەۆرىن جاسادى، الدىن الا جارقىراعان ماياكتار مەن سگۋ-دى قوستى. جول قوزعالىسىنا قاتىسۋشىلار پوليتسيا كولىگىنە توقتاپ، جول بەردى. الايدا قوعامدىق كولىككە ارنالعان جولاقپەن جۇرەتىن موپەد جۇرگىزۋشىسى زاڭ تالاپتارىن ەلەمەي، پاترۋلدىك ماشينامەن سوقتىعىستى. ول مەديتسينالىق كومەكتەن باس تارتتى. جكو فاكتىسى تىركەلدى. "Chevrolet" اۆتوكولىگىنىڭ جۇرگىزۋشىسى جاۋاپكەرشىلىككە تارتىلدى. ءوندىرىس ماتەريالدارى سوتقا جىبەرىلەدى", – دەلىنگەن الماتى قالالىق پد حابارلاماسىندا.
