Qyrǵyzstan Joǵarǵy keńesiniń Áleýmettik saıasat komıteti búgingi otyrysynda «Qyrǵyz Respýblıkasynyń keıbir zańnamalyq aktilerine ózgerister engizý týraly» zań jobasyn úshinshi oqylymda maquldady («Qyrǵyz Respýblıkasynyń Otbasylyq kodeksi», «Qyrǵyz Respýblıkasynyń Azamattyq hal aktileri týraly zańy»), dep habarlaıdy “Adyrna” ulttyq portaly Vesti.kg saıtyna siltep.
Zań jobasynyń avtorlary – depýtattar Mırlan Samyıkojo, Nýrlanbek Týrgýnbek ýýlý jáne Amankan Kenjebaev.
Zań jobasynda kelesideı ózgerister usynylady:
- Áke atymen atalǵan balanyń famılııasynda ata-ájeden týyndaǵan «ýýlý» (uldarǵa) nemese «kyzy» (qyzdarǵa) sózderi ata-ananyń qalaýy boıynsha qosylýy múmkin.
- Áke atymen birge ata-ájesinen kelgen «tegı» sózin qosý jaǵdaıynda da balanyń famılııasynda «ýýlý» (uldarǵa) nemese «kyzy» (qyzdarǵa) sózi ata-ananyń qalaýy boıynsha qosylady.
- Áke atymen birge ata-ájesinen kelgen «tegı» sózin qosqanda, uldarǵa «dyn/tyn», «dın/tın», «dún/tún» sııaqty menshiktik jalǵaýlar, al qyzdarǵa «dan/tan», «den/ten», «dón/tón» sııaqty menshiktik jalǵaýlar qosylady.
