ازەربايجان تۇركسوي ۇيىمى اياسىندا تۇركى تىلدەس ەلدەردىڭ قاتىسۋىمەن كۇردەلى سيۋجەتكە يە فيلم ءتۇسىرىلىپ جاتىر. بۇل تۋرالى «ازەربايجانفيلم» كينوستۋدياسىنىڭ قوعاممەن بايلانىس جانە ماركەتينگ ءبولىمىنىڭ جەتەكشىسى راميليا گۋربان ازەرتادج اگەنتتىگىنە ايتتى، دەپ حابارلايدى “ادىرنا” ۇلتتىق پورتالى.
ونىڭ ايتۋىنشا، «موللا ناسرەددين. مەنىڭ قيىن كۇندەرىمنىڭ دوسى» اتتى ءفيلمنىڭ ءتۇسىرىلىمى باستالىپ، وعان تۇركيا، ازەربايجان، وزبەكستان، قازاقستان، قىرعىزستان جانە تۇركمەنستان ەلدەرى قاتىسۋدا. ءفيلمنىڭ ستسەناريى مەن رەجيسسەرى — حالىق ءارتىسى ۆاگيف مۇستافاەۆ.
قازىرگى ۋاقىتتا تۇسىرىلىمدەر التى اي بۇرىن قىرعىزستاندا باستالعان.
ر. گۋربان كەلەسى تۇسىرىلىمدەر تۇركيادا، قازاقستاندا جانە وزبەكستاندا وتەتىنىن مالىمدەدى.
«بۇل جوبانىڭ ءمانى — تۇركى تىلدەس ەلدەردى ورتاق مادەنيەت جانە بىرلىك يدەياسى ارقىلى جاقىنداستىرۋ»،- دەيدى ول.
ستسەناري اۆتورى ءارى رەجيسسەر ۆ. مۇستافاەۆ «ازەربايجانفيلم» كينوستۋدياسىنىڭ ۇلكەن پاۆيلونى قازىرگى ۋاقىتتا بوس ەمەس ەكەنىن ايتتى.
«ازەربايجاندا تۇسىرىلىمدەر ءساۋىر ايىندا جوسپارلانعان. وسى ۋاقىتقا دەيىن پاۆيلون بوسايدى دەپ كۇتىلۋدە، قازىر ول جالعا الىنعان، دەكوراتسيالار ورناتىلعان، تۇسىرىلىمدەر جالعاسۋدا. ناۋرىز ايىنىڭ سوڭىنا دەيىن ءبىز شەتەلدەن دەكوراتورلاردى شاقىردىق، ولار دەكوراتسيالاردى ورناتىپ، ءساۋىر ايىندا تۇسىرىلىمدەر ازەربايجاندا جالعاسادى»، دەدى مۇستافاەۆ.
