Ázerbaıjan TÚRKSOI uıymy aıasynda túrki tildes elderdiń qatysýymen kúrdeli sıýjetke ıe fılm túsirilip jatyr. Bul týraly «Ázerbaıjanfılm» kınostýdııasynyń qoǵammen baılanys jáne marketıng bóliminiń jetekshisi Ramılıa Gýrban Azertadj agenttigine aıtty, dep habarlaıdy “Adyrna” ulttyq portaly.
Onyń aıtýynsha, «Molla Nasreddın. Meniń qıyn kúnderimniń dosy» atty fılmniń túsirilimi bastalyp, oǵan Túrkııa, Ázerbaıjan, Ózbekstan, Qazaqstan, Qyrǵyzstan jáne Túrkmenstan elderi qatysýda. Fılmniń senarııi men rejısseri — halyq ártisi Vagıf Mustafaev.
Qazirgi ýaqytta túsirilimder alty aı buryn Qyrǵyzstanda bastalǵan.
R. Gýrban kelesi túsirilimder Túrkııada, Qazaqstanda jáne Ózbekstanda ótetinin málimdedi.
«Bul jobanyń máni — túrki tildes elderdi ortaq mádenıet jáne birlik ıdeıasy arqyly jaqyndastyrý»,- deıdi ol.
Senarıı avtory ári rejısser V. Mustafaev «Ázerbaıjanfılm» kınostýdııasynyń úlken pavılony qazirgi ýaqytta bos emes ekenin aıtty.
«Ázerbaıjanda túsirilimder sáýir aıynda josparlanǵan. Osy ýaqytqa deıin pavılon bosaıdy dep kútilýde, qazir ol jalǵa alynǵan, dekoraııalar ornatylǵan, túsirilimder jalǵasýda. Naýryz aıynyń sońyna deıin biz shetelden dekoratorlardy shaqyrdyq, olar dekoraııalardy ornatyp, sáýir aıynda túsirilimder Ázerbaıjanda jalǵasady», dedi Mustafaev.
