«مەنىڭ مەكتەبىم» جانە «بىلىكتى مامان» جوبالارى - بولاشاققا سالىنعان ينۆەستيتسيا

763

قر ورتالىق كوممۋنيكاتسيالار قىزمەتىندە وتكەن بريفينگ بارىسىندا شقو اكىمى دانيال احمەتوۆ ءبىلىم بەرۋ سالاسىنداعى جوبالاردىڭ ناتيجەسى تۋرالى ءمالىم ەتتى.

كوپتىلدىلىك، جوعارى ءبىلىم الۋ ءۇشىن ماماندىقتى دۇرىس تاڭداۋ - جاستار اراسىنداعى باسەكەگە قابىلەتتىلىكتى ارتتىرۋدىڭ بىردەن-ءبىر جولى.

ۇشتىلدىلىك باعدارلاماسى اياسىندا 3,5 مىڭ ءتىل مامانى بىلىكتىلىكتى ارتتىرۋ كۋرسىنان ءوتتى. قازاق جانە اعىلشىن تىلدەرىندە جارىق كورگەن 450 مىڭنان استام جاڭا وقۋلىقتار ساتىپ الىندى. ناتيجەسىندە مۇعالىمدەردىڭ ادىستەمەلىك قۇرالدى مەڭگەرۋ دەڭگەيلەرى 14%-لان 80 % دەيىن ءوستى. ال ءبىلىم ساپاسى 20% ارتتى.

بيىل كوپتىلدىلىكتى دامىتۋ باعدارلاماسى اياسىندا فرانتسۋز جانە نەمىس تىلدەرىن وقىتۋ قولعا الىندى. الداعى ءۇش جىلدىڭ ىشىندە 3,7 مىڭ مۇعالىم بىلىكتىلىكتەرىن ارتتىرادى. "مەنىڭ مەكتەبىم" جوباسى اياسىندا 476 فيزيكا، حيميا، بيولوگيا جانە روبوتتى تەحنيكا كابينەتتەرى جابدىقتالدى. وعان مەتسەناتتار جالپى سوماسى 2,8 ملرد تەڭگەدەن استام قاراجات ءبولدى. 647 ءىت-سىنىپ اشىلدى. وندا بالالار روبوتتى تەحنيكا، 3D-مودەلدەۋ جانە باعدارلامالاۋ بويىنشا تەگىن ءبىلىم الۋدا. بيىل وبلىستاعى 371 شاعىن كومپلەكتىلى مەكتەپتەگى ءبىلىم ساپاسىن ارتتىرۋ ماقساتىندا 2876 تەحنيكا ساتىپ الىندى. وسى مەكتەپتەردە جۇمىس ىستەيتىن 573 مۇعالىم ارنايى كۋرستان ءوتتى. مۇنداعى ماقسات - ءىت-كلاسستاردا ساباق بەرۋدى مەڭگەرۋ.

ال روبوتتى تەحنيكا، مەحاترونيكا جانە باعدارلامالاۋ پاندەرىنەن ساباق بەرۋ ءۇشىن 1127 مۇعالىم ء"ىت-مامان" كۋرسىنان ءوتتى. بۇل ءوز كەزەگىندە جاراتىلىستانۋ جانە عىلىمي باعىتاعى ءبىلىم كورسەتكىشىن 44%-دان 66%-عا دەيىن ارتتىرۋعا مۇمكىندىك بەردى.

- اۋىل مەن قالاداعى ءبىلىم ساپاسىنىڭ كورسەتكىشتەرى تەڭەستى. وسىلايشا، وڭىردەگى بارلىق بالا ءىت-باعدارلامالاردى مەڭگەرۋگە قول جەتكىزدى، -دەپ اتاپ ءوتتى دانيال احمەتوۆ.

وبلىستاعى مەكتەپتەردىڭ وقۋشىلارى ءىت-جارىستارعا قاتىسىپ، بۇل سالادا زور جەتىستىكتەرگە جەتۋدە. اعىمداعى جىلدىڭ ناۋرىز ايىندا وتكەن Skills for geeks اتتى ءۇش كەزەڭنەن تۇراتىن چەمپيوناتقا 277 توپ قاتىستى. ونىڭ ىشىندە اۋدانداردان 2134 بالا كەلدى.

بيىل وبلىستا العاش رەت "Jastar time” اتتى ءىت-حاكاتون ءوتتى. وعان 14 كوماندا قاتىستى. 40-تان استام بالا ۇزدىك جوبالارىن ۇسىندى.

جاستار جىلىنا وراي وبلىس ورتالىعىندا 16-مامىر كۇنى  "Jastar time” اتتى VII-فەستيۆال ءوتتى. وندا مەكتەپتەر مەن كوللەدجدەردەن كەلگەن 200-دەن استام بالا مەن ستۋدەنتتەر قاتىستى. 95 جوبا ۇسىندى. ءتورت كەزەڭ بويىنشا باق سىناستى. اتاپ ايتساق، "مەيكەرلىك", "Junior skills”، “Startup-جوبالار", “Cluster Pro”’ جانە روبو پوليگون كەزەڭدەرى. ۇزدىك ءىت-جوبالاردى ۇسىنعان قاتىسۋشىلار ماراپاتتالدى. ونىڭ ىشىندە مەكتەپ وقۋشىلارىنىڭ 10 Start-up جوباسى ىسكە اسىرىلدى. ولارعا “Digital East - بولاشاققا قادام" اتتى ءىت-فورۋمدا گرانتتار تاعايىندالدى. وسى ماقساتتى جالپى سوماسۆ 10,6 ملن تەڭگە ءبولىندى.

وسىنداي جوبالاردىڭ ارقاسىندا جاستاردىڭ ينجەنەرلىك گرافيكا، روبوتتى تەحنيكا جانە اۆياتسيالىق جۇيەنى پيلوتسىز باسقارۋ، مەحاترونيكا سالالارىنا دەگەن قىزىعۋشىلىقتارى ارتۋدا.

ايماقتاعى جوو-نىڭ باسەكەگە قابىلەتتىگىن ارتتىرۋ جانە تۇلەكتەردىڭ شەتەلگە كەتۋىن ازايتۋ ماقساتىندا "بىلىكتى مامان" جوباسى ىسكە اسىرىلۋدا. كۇنى بۇگىنگە دەيىن شقو-دا ەڭبەك نارىعىندا سۇرانىسقا يە كادرلاردى دايارلاۋ ءۇشىن 1046 گرانت ءبولىندى. ونىڭ ىشىندە 400-ءى بيىل تاعايىندالدى. بۇل 2016 جىلعى كورسەتكىشپەن سالىستىرعاندا شەتەلگە كەتەتىن تۇلەكتەردى 48%-دان 56%-عا دەيىن ازايتۋعا مۇمكىندىك بەردى. وسىلايشا، وزگە مەملەكەتتەردە ءبىلىم الۋعا نيەتتى جاستاردىڭ سانى 3 ەسەگە ازايدى.

 «ادىرنا» پورتالى

پىكىرلەر
رەداكتسيا تاڭداۋى