جاقىن ارادا اقتاۋ ماڭىندا Azerbaijan Airlines (AZAL) ۇشاعىنىڭ اپاتقا ۇشىراۋىنا قاتىستى الدىن الا ەسەپ جاريالانادى. بۇل تۋرالى قازاقستاننىڭ كولىك ءمينيسترى مارات كاراباەۆ ۇكىمەتتەگى بريفينگتە مالىمدەدى، دەپ حابارلايدى “ادىرنا” ۇلتتىق پورتالى.
ونىڭ ايتۋىنشا، ءارتۇرلى ەلدەردىڭ ماماندارىنىڭ بىرلەسكەن جۇمىسى سوڭعى ساتىسىنا جەتكەن.
«ماماندار وتە تىنىمسىز جۇمىس ىستەپ جاتىر. بۇعان دەيىن ايتقانىمىزداي، ازەربايجان رەسپۋبليكاسىنان، رەسەي فەدەراتسياسىنان، ۇشاق ءوندىرۋشى ەل برازيليادان جانە يكاو-دان (حالىقارالىق ازاماتتىق اۆياتسيا ۇيىمى) حالىقارالىق ماماندار تارتىلدى... ءبىز الدىن الا ەسەپتىڭ جاقىن ارادا رەسمي تۇردە ءبىزدىڭ سايتتا جاريالاناتىنىن كۇتىپ وتىرمىز. ماماندارعا ءوز جۇمىسىن اياقتاۋ ءۇشىن ۋاقىت قاجەت. بۇل وتە كۇردەلى جۇمىس»، – دەدى ول.
ايتا كەتەيىك، 24 قاڭتاردا قر پرەمەر-ءمينيسترىنىڭ ورىنباسارى قانات بوزىمباەۆ اۋە اپاتىنىڭ ناتيجەلەرى "كەلەسى اپتادا جاريالانۋى ءتيىس" دەپ مالىمدەگەن بولاتىن.
