“اياعى اۋىر بولعان”: نەپالداعى ۇشاق اپاتىنان قازا تاپقانداردىڭ ءبىرى قازاقستاندا تۇرعان

2044
Adyrna.kz Telegram

نەپالداعى ۇشاق اپاتىنان قازا تاپقانداردىڭ ءبىرى قازاقستاندا تۇرعان جانە اياعى اۋىر بولعان. بۇل  كتك تەلەارناسى جاريالادى، دەپ حابارلايدى “ادىرنا” ۇلتتىق پورتالى. 

مالىمەت بويىنشا، نەپالدا ۇشاق قۇلاعان جەردە ادامداردى ىزدەستىرۋ جۇمىستارى ءالى ءجۇرىپ جاتىر. ازىرگە ءتورت جولاۋشى تۋرالى اقپارات جوق. تەك 68 ءمايىت تابىلدى. بورتتا 72 ادام بولعان. ولاردىڭ تورتەۋى – ەكيپاج مۇشەلەرى. تاسىمالداۋشى وكىلدەرىنىڭ ايتۋىنشا، ەشكىم ءتىرى قالماعان.

جولاۋشىلار اراسىندا نەپال، ءۇندىستان، كورەيا، انگليا، فرانتسيا، ارگەنتينا تۇرعىندارى، سونداي-اق ءتورت رەسەيلىك بار.

رەسەي ازاماتى ەلەنا باندۋرو كەيىنگى ۋاقىتتا قازاقستاندا تۇرىپ، ءسابي كۇتىپ جۇرگەن. توتەنشە جاعدايدىڭ سەبەپتەرىن ارنايى كوميسسيا بەلگىلەيدى.

ەسكە سالا كەتەيىك، Yeti Airlines كومپانياسىنىڭ ATR 72 جولاۋشىلار ۇشاعى 15 قاڭتاردا، جەكسەنبى كۇنى تاڭەرتەڭ اپاتقا ۇشىراعان بولاتىن. لاينەر كاتماندۋدان پوحاراعا بەت العان. قونۋ كەزىندە ۇشاق ورتەنىپ، وزەن شاتقالىنا قۇلاعان. زارداپ شەككەندەردى ىزدەستىرۋ ادام اياعى جەتە بەرمەيتىن جەردە بولعاندىقتان قيىنداپ كەتكەن.

پىكىرلەر