Jaqyn arada Aqtaý mańynda Azerbaijan Airlines (AZAL) ushaǵynyń apatqa ushyraýyna qatysty aldyn ala esep jarııalanady. Bul týraly Qazaqstannyń Kólik mınıstri Marat Karabaev úkimettegi brıfıngte málimdedi, dep habarlaıdy “Adyrna” ulttyq portaly.
Onyń aıtýynsha, ártúrli elderdiń mamandarynyń birlesken jumysy sońǵy satysyna jetken.
«Mamandar óte tynymsyz jumys istep jatyr. Buǵan deıin aıtqanymyzdaı, Ázerbaıjan Respýblıkasynan, Reseı Federaııasynan, ushaq óndirýshi el Brazılııadan jáne IKAO-dan (Halyqaralyq azamattyq avıaııa uıymy) halyqaralyq mamandar tartyldy... Biz aldyn ala eseptiń jaqyn arada resmı túrde bizdiń saıtta jarııalanatynyn kútip otyrmyz. Mamandarǵa óz jumysyn aıaqtaý úshin ýaqyt qajet. Bul óte kúrdeli jumys», – dedi ol.
Aıta keteıik, 24 qańtarda QR Premer-mınıstriniń orynbasary Qanat Bozymbaev áýe apatynyń nátıjeleri "kelesi aptada jarııalanýy tıis" dep málimdegen bolatyn.
