2023 جىلى 191 000 قازاقستاندىق، ال بىلتىر 140 521 قازاقستاندىق جۇمىس ىستەۋ ءۇشىن شەتەلگە كەتكەن. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى ايتتى، دەپ حابارلايدى «ادىرنا» ءتىلشىسى قازاقپاراتقا سىلتەمە جاساپ.
وتانداستارىمىز جۇمىس بارىسىمەن ءجيى باراتىن ەلدەر قاتارىندا رەسەي، وڭتۇستىك كورەيا، تۇركيا، ۇلىبريتانيا جانە ءباا بار.
ۇلىبريتانيادا ەكى جىل بويى ماۋسىمدىق جۇمىستاردا جۇمىس ىستەگەن دۋمان كەڭشىلىك كوپشىلىكتىڭ شەتەلگە كەتۋگە ۇمتىلۋىنا جالاقى ايىرماشىلىعى مەن ەڭبەك نارىعىنىڭ جاي-كۇيى سەبەپ بولىپ وتىر دەيدى. ايتۋىنشا، باتىس ەۋروپا ەلدەرىندەگى جالاقى مەن ەڭبەك جاعدايلارى الدەقايدا جاقسى. مىسالى، ۇلىبريتانيادا جۇمىس ىستەگەن بىرنەشە اي قازاقستانداعى ۇقساس كاسىپتىڭ جىلدىق تابىسىنا تەڭ كىرىستى قامتاماسىز ەتە الادى. سوندىقتان كوپتەگەن ادام قىسقا مەرزىمدە قارجىلىق ماسەلەلەردى شەشۋ ءۇشىن وسىنداي قادامعا بارادى.
- قازاقستاندا IT سالاسىندا مامان بولىپ جۇمىس ىستەدىم، بىراق جالاقى كۇندەلىكتى شىعىنداردى، اتاپ ايتساق، يپوتەكا مەن جەكە شىعىنداردى ارەڭ جاپتى. سول سەبەەتى قوسىمشا تابىس كوزدەرىن تابۋعا تىرىستىم. ءبىر ساتتە وتاندىق جارناما پورتالدارىنىڭ بىرىنەن ۇلىبريتانيادا قۇلپىناي جيناۋ ءۇشىن جۇمىسشىلار قاجەت ەكەندىگى تۋرالى حابارلاندىرۋدى كوردىم. جالاقى جوعارى، ال شارتتارى ىڭعايلى بولدى. ويلانباستان جۇمىستان شىعۋ تۋرالى ءوتىنىش جازىپ، انگلياعا باردىم. شەتەلدە قيىن جۇمىس ىستەۋ ۇيات ەمەس، ويتكەنى وندا تابىس جوعارى. جەرگىلىكتى تۇرعىندار مۇنداي جۇمىستارعا قىزىعۋشىلىق تانىتپايدى. ءبىز ءۇشىن جاقسى تابىس ولار ءۇشىن وتە تومەن جالاقى بولىپ سانالادى. مەن قۇلپىناي جيناۋ جانە جۇك تاسىمالداۋ سالاسىندا جۇمىس ىستەدىم. جۇمىس كۇنى 10-12 ساعاتتى قۇرادى، ال تابىس ساعاتىنا 5000 تەڭگەدەن استام بولدى»،—دەدى ول.
ەۋروپادا بىلىكتىلىگى تومەن جۇمىستاردا جۇمىس ىستەۋگە تەك قازاقستاندىقتار عانا ، وزبەكستان، قىرعىزستان، تاجىكستان، رۋمىنيا جانە بولگاريا ازاماتتارى دا ءجيى قىزىعۋشىلىق تانىتادى. ەڭ باستىسى — ەڭبەك قاۋىپسىزدىگى جانە كوشى-قون ساياساتى ەرەجەلەرىن ساقتاۋ. اتاپ ءوتۋ كەرەك، ەۋروپادا جۇمىس ۆيزالارى 3 ايدان 6 ايعا دەيىن بەرىلەدى.
ەسكە سالايىق، وتكەن جىلى 4 446 قازاقستاندىق ۇلىبريتانياعا، 3 000 - ءباا-گە، 6 595 - تۇركياعا جانە 101 622-رەسەيگە جۇمىس ىزدەپ كەتكەن.
