الماتىدا بيزنەسمەن، «قايرات» فۋتبول كلۋبى باقىلاۋ كەڭەسىنىڭ توراعاسى قايرات بورانباەۆ ۇستالدى، دەپ حابارلايدى “ادىرنا” ۇلتتىق پورتالى قازتاگ دەرەككوزىنە سىلتەمە جاساپ.
«بورانباەۆتى الماتىدا قارجى مونيتورينگى اگەنتتىگىنىڭ (ققا) قىزمەتكەرلەرى ۇستادى. ونىمەن الماتى فيليالى ەمەس، اقم استاناداعى باس كەڭسەسىندەگى ادامدار «جۇمىس ىستەۋدە». قازىر بورانباەۆ تەرگەۋ يزولياتورىندا. جاقىن كۇندەرى الماتىدا تەرگەۋ بويىنشا ءىس-شارالار وتەدى»، — دەپ جازدى اگەنتتىك.
ايتا كەتەيىك، قايرات بورانباەۆ – نۇرسۇلتان نازارباەۆتىڭ قىزى داريعا نازارباەۆانىڭ بۇرىنعى كەلىنى ءاليما بورانباەۆانىڭ اكەسى. بورانباەۆتىڭ قىزى اليما بورانباەۆا داريعانىڭ ۇلى ايسۇلتان نازارباەۆقا (2020 جىلى قايتىس بولعان) تۇرمىسقا شىققان. كەيىن ايسۇلتان مەن اليما اجىراسىپ كەتكەن.
سونداي-اق، Forbes جۋرنالى وتكەن جىلى قازاقستاننىڭ ەڭ باي ادامدارىنىڭ رەيتينگىسىندە بورانباەۆتىڭ بايلىعىن 590 ميلليون دوللارعا باعالاعان.
وليگارحتىڭ ۇستالعانى تۋرالى ازىرشە تەك باق اقپارات تاراتتى، ال رەسمي ورگاندار ءۇنسىز.
“ادىرنا” ۇلتتىق پورتالى
